Uvieś hety čas jana pralažała na mytnym składzie.
Estamp «Akrabat sa skrypkaj» 1924 hoda byŭ znojdzieny ŭładami francuzskaha rehijona Franš-Kante, raźmieščanaha kala miažy sa Šviejcaryjaj. Mytniki kanfiskavali pracu ŭ 2006 hodzie: u pieravozčykaŭ nie było dazvołu na vyvaz tvora mastactva. Jany zapłacili bujny štraf i pieradali «Akrabata» dziaržavie, piša Bild.
Na praciahu dvaccaci hadoŭ pra pracu Marka Šahała nichto nie ŭspaminaŭ — pakul u 2024 hodzie na pasadu nie zastupiła novaja kiraŭnica mytni Estel Raklen.
Jana zachacieła znoŭ zrabić dastupnymi dla publiki tvory, kanfiskavanyja mytnikami. Viedamstva vyrašyła pieradać pracu ŭ dar, a nie vystaŭlać jaje na aŭkcyjon.
Zaraz tvor Šahała ekspanujecca ŭ Muziei vyjaŭlenčych mastactvaŭ u Biezansonie, choć i nie na pastajannaj asnovie, bo papiera vielmi adčuvalnaja da śviatła.
Ekśpierty aceńvajuć košt pracy adnosna nievysoka — u niekalki tysiač jeŭra. Hetaja suma blaknie ŭ paraŭnańni z koštam žyvapisnych pałotnaŭ majstra. Samaj darahoj pracaj Šahała, pradadzienaj na aŭkcyjonie, stała karcina «Zakachanyja» 1928 hoda: u 2017 hodzie na tarhach Sotheby's jaje pradali za rekordnyja 28,5 miljona dalaraŭ.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary