Uitkafu i Kušnieru prapanoŭvali prylacieć u Biełaruś i jechać va Ukrainu z Homiela. Ale jany nie zachacieli
Ukrainskija śpiecsłužby byli hatovyja sustreć pasłańnikaŭ prezidenta ZŠA Styva Uitkafa i Džareda Kušniera ŭ Biełarusi i zabiaśpiečyć ich pajezdku z Homiela va Ukrainu. Adnak amierykanskaja delehacyja vybrała ciahnik, raskazaŭ Uładzimir Zialenski.
Pavodle Zialenskaha, u Styva Uitkafa i Džareda Kušniera była mahčymaść prylacieć u Biełaruś i pajechać va Ukrainu z Homiela.
«Heta prykładna try hadziny jazdy ad Homiela. My taksama šmat pracavali, i naša słužba biaśpieki była farmalna hatovaja sustreć Styva i Džareda», — skazaŭ Zialenski.
Taksama Ukraina mahła pryniać samalot z amierykanskimi pieramoŭščykami ŭ adnym z dvuch aeraportaŭ — Žulanach abo Baryspali.
«Ukraina była hatovaja pryniać amierykanski samalot. Samalot z delehacyjaj pieramoŭščykaŭ. Mahli być vykarystany i Baryspal, i Žulany. Rasija adnaznačna chacieła padkreślić, što va Ukrainie niama biaśpieki, i jany nanieśli ŭdar i pa pałasie ŭ Žulanach, i pa pałasie ŭ Baryspali.
Technična našy aeraporty hatovyja prymać delehacyi. Pytańnie ŭ tym, ci zabiaśpiečvaje Rasijskaja Fiederacyja hety kalidor biaśpieki».
U vyniku amierykancy vyrašyli padarožničać ciahnikom.
«Jany vybrali ciahnik. My skazali, što heta budzie biaśpiečnaje i kamfortnaje prybyćcio va Ukrainu. Usioj amierykanskaj delehacyi vielmi spadabaŭsia ciahnik. My damovilisia, što jany pryjeduć jašče raz», — padsumavaŭ Zielenski.
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary
Navat abmien pałonnymi pamiž Ŭkrainaj i Maskovijaj nie adbyvajecca na miažy Homiela z Ukrainaj, a idzie na miažy Bresckaj vobłaści dzie bolš niebiaśpiečna.