Уіткафу і Кушнеру прапаноўвалі прыляцець у Беларусь і ехаць ва Украіну з Гомеля. Але яны не захацелі
Украінскія спецслужбы былі гатовыя сустрэць пасланнікаў прэзідэнта ЗША Стыва Уіткафа і Джарэда Кушнера ў Беларусі і забяспечыць іх паездку з Гомеля ва Украіну. Аднак амерыканская дэлегацыя выбрала цягнік, расказаў Уладзімір Зяленскі.
Паводле Зяленскага, у Стыва Уіткафа і Джарэда Кушнера была магчымасць прыляцець у Беларусь і паехаць ва Украіну з Гомеля.
«Гэта прыкладна тры гадзіны язды ад Гомеля. Мы таксама шмат працавалі, і наша служба бяспекі была фармальна гатовая сустрэць Стыва і Джарэда», — сказаў Зяленскі.
Таксама Украіна магла прыняць самалёт з амерыканскімі перамоўшчыкамі ў адным з двух аэрапортаў — Жулянах або Барыспалі.
«Украіна была гатовая прыняць амерыканскі самалёт. Самалёт з дэлегацыяй перамоўшчыкаў. Маглі быць выкарыстаны і Барыспаль, і Жуляны. Расія адназначна хацела падкрэсліць, што ва Украіне няма бяспекі, і яны нанеслі ўдар і па паласе ў Жулянах, і па паласе ў Барыспалі.
Тэхнічна нашы аэрапорты гатовыя прымаць дэлегацыі. Пытанне ў тым, ці забяспечвае Расійская Федэрацыя гэты калідор бяспекі».
У выніку амерыканцы вырашылі падарожнічаць цягніком.
«Яны выбралі цягнік. Мы сказалі, што гэта будзе бяспечнае і камфортнае прыбыццё ва Украіну. Усёй амерыканскай дэлегацыі вельмі спадабаўся цягнік. Мы дамовіліся, што яны прыедуць яшчэ раз», — падсумаваў Зеленскі.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
Нават абмен палоннымі паміж Ўкраінай і Масковіяй не адбываецца на мяжы Гомеля з Украінай, а ідзе на мяжы Брэсцкай вобласці дзе больш небяспечна.