22 biełarusy, jakija pracavali ŭ IT-kampanii ŭ Vilni, pryznanyja pahrozaj nacyjanalnaj biaśpiecy Litvy
Ich DNŽ anulavanyja, a sami jany vysłanyja ź Litvy z zabaronaj na viartańnie.
Departamient dziaržaŭnaj biaśpieki (DDB) paviedamlaje, što 22 biełarusy, jakija pracavali ŭ Litvie ŭ technałahičnaj kampanii NTLAB, pryznanyja pahrozaj nacyjanalnaj biaśpiecy, piša LRT.
DDB pradstaviŭ Departamientu mihracyi zaklučeńni ab dziejnaści 22 hramadzian Biełarusi ŭ Litvie — asoby, jakija pracavali ŭ technałahičnaj kampanii, pryznanyja pahrozaj nacyjanalnaj biaśpiecy Litvy. Ich dazvoły na časovaje pražyvańnie ŭ Litvie byli anulavanyja.
Paviedamlajecca, što asoby, jakija ŭjaŭlajuć pahrozu nacyjanalnaj biaśpiecy, byli vysłanyja ź Litvy z zabaronaj na viartańnie. Usim 22 asobam zabaronieny ŭjezd u Šenhienskuju zonu terminam na piać hadoŭ.
Vysłanyja ź Litvy hramadzianie pracavali ŭ kampanii, jakaja była zadziejničanaja ŭ prajekcie Ahienctva kaśmičnaj prahramy Jeŭrapiejskaha sajuza (EUSPA) i machlarskim šlacham atrymała amal 0,5 młn jeŭra.
U chodzie rasśledavańnia, arhanizavanaha Jeŭrapiejskaj prakuraturaj i praviedzienaha Słužbaj rasśledavańnia finansavych złačynstvaŭ u supracoŭnictvie z DDB, było ŭstanoŭlena, što kampanija chavała suviazi z rasijskaj i biełaruskaj vajennaj pramysłovaściu.
Na minułym tydni paviedamlałasia, što Vilenski akruhovy sud asudziŭ dvuch hramadzian Biełarusi za machlarstva pry atrymańni amal 0,5 młn jeŭra.
Zhadany prajekt byŭ pryznačany dla stvareńnia vysokadakładnych pryjomnikaŭ spadarožnikavaj navihacyi, zdolnych vykarystoŭvać vysokadakładnuju pasłuhu «Galileo» dla patreb sielskaj haspadarki, u tym liku dla kiravańnia sielskahaspadarčaj technikaj i vykanańnia apieracyj dakładnaha ziemlarobstva.
Ahulny biudžet prajekta składaŭ bolš za 1 młn jeŭra, ź ich bolš za 745 tys. jeŭra finansavała EUSPA. Kampanii faktyčna było vypłačana 447 272 jeŭra.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo6
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary