22 беларусы, якія працавалі ў IT-кампаніі ў Вільні, прызнаныя пагрозай нацыянальнай бяспецы Літвы
Іх ДНЖ ануляваныя, а самі яны высланыя з Літвы з забаронай на вяртанне.
Дэпартамент дзяржаўнай бяспекі (ДДБ) паведамляе, што 22 беларусы, якія працавалі ў Літве ў тэхналагічнай кампаніі NTLAB, прызнаныя пагрозай нацыянальнай бяспецы, піша LRT.
ДДБ прадставіў Дэпартаменту міграцыі заключэнні аб дзейнасці 22 грамадзян Беларусі ў Літве — асобы, якія працавалі ў тэхналагічнай кампаніі, прызнаныя пагрозай нацыянальнай бяспецы Літвы. Іх дазволы на часовае пражыванне ў Літве былі ануляваныя.
Паведамляецца, што асобы, якія ўяўляюць пагрозу нацыянальнай бяспецы, былі высланыя з Літвы з забаронай на вяртанне. Усім 22 асобам забаронены ўезд у Шэнгенскую зону тэрмінам на пяць гадоў.
Высланыя з Літвы грамадзяне працавалі ў кампаніі, якая была задзейнічаная ў праекце Агенцтва касмічнай праграмы Еўрапейскага саюза (EUSPA) і махлярскім шляхам атрымала амаль 0,5 млн еўра.
У ходзе расследавання, арганізаванага Еўрапейскай пракуратурай і праведзенага Службай расследавання фінансавых злачынстваў у супрацоўніцтве з ДДБ, было ўстаноўлена, што кампанія хавала сувязі з расійскай і беларускай ваеннай прамысловасцю.
На мінулым тыдні паведамлялася, што Віленскі акруговы суд асудзіў двух грамадзян Беларусі за махлярства пры атрыманні амаль 0,5 млн еўра.
Згаданы праект быў прызначаны для стварэння высокадакладных прыёмнікаў спадарожнікавай навігацыі, здольных выкарыстоўваць высокадакладную паслугу «Galileo» для патрэб сельскай гаспадаркі, у тым ліку для кіравання сельскагаспадарчай тэхнікай і выканання аперацый дакладнага земляробства.
Агульны бюджэт праекта складаў больш за 1 млн еўра, з іх больш за 745 тыс. еўра фінансавала EUSPA. Кампаніі фактычна было выплачана 447 272 еўра.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ5
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары