У Мінску паставяць дзясяткі кантэйнераў для збору адзення і абутку
Кантэйнеры ў пачатку кастрычніка з’явяцца ў Маскоўскім і Фрунзенскім раёнах горада.
У сталіцы ўсталююць 50 кантэйнераў для збору тэкстылю. Пра гэта піша БелТА са спасылкай на Мінскую гарадскую жыллёвую гаспадарку.
Кантэйнеры ў пачатку кастрычніка з’явяцца ў Маскоўскім і Фрунзенскім раёнах горада.
У іх можна будзе пакінуць непатрэбныя прадметы гардэроба або абутак.
Галоўная ўмова: рэчы трэба папярэдне спакаваць у пакет.
Сабраны тэкстыль будуць накіроўваць на сартаванне, а затым — на далейшую перапрацоўку.
Прычым кантэйнеры з’явяцца не на дзеючых пляцоўках, а асобна, у месцах з добрай праходнасцю. Так разлічваюць знізіць верагоднасць трапляння старонняга смецця.
У Мінскай гарадской жыллёвай гаспадарцы лічаць, што новы праект дапаможа жыхарам сталіцы зручна здаваць непатрэбнае адзенне і абутак, скарачаць колькасць адходаў і больш беражліва ставіцца да рэсурсаў.
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»31
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары