Зяленскі паведаміў пра дамоўленасць адносна ракет-перахопнікаў для Patriot
Прэзідэнт Украіны Уладзімір Зяленскі заявіў, што Украіна дамовілася пра пастаўку партыі ракет-перахопнікаў для сістэм супрацьпаветранай абароны Patriot. Пра гэта ён паведаміў падчас сустрэчы з прадстаўнікамі і лідарамі ўкраінскай супольнасці ў ЗША, піша «Еўрапейская праўда».
Зяленскі не стаў удакладняць, з якой менавіта краінай была дасягнутая дамоўленасць, але назваў яе важным вынікам для ўзмацнення ўкраінскай супрацьпаветранай абароны.
Паводле яго слоў, гаворка ідзе пра «пакет ракет» для комплексаў Patriot.
«Мы сёння дамовіліся, не буду казаць з кім, пра пакет ракет для сістэм Patriot. Важнае рашэнне, вельмі важнае. Ёсць вынік».
Раней, пасля сустрэчы з прэзідэнтам ЗША Дональдам Трампам, Зяленскі казаў, што амерыканскі лідар станоўча ставіцца да выдачы Украіне ліцэнзій на ракеты для Patriot. Аднак пазней у Дзярждэпартаменце ЗША заявілі, што канчатковага рашэння наконт дазволу Украіне вырабляць такія ракеты яшчэ не прынята.
Яшчэ 31 ліпеня Трамп, каментуючы магчымасць дазволіць Украіне самастойна вырабляць ракеты-перахопнікі для Patriot, заявіў, што ЗША павінны вельмі асцярожна падыходзіць да гэтага пытання.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары