У Беларусі з 1 лістапада ўводзіцца сезонная забарона на лоўлю сома еўрапейскага і сіга чудскага. Пра гэта нагадалі ў Дзяржаўнай інспекцыі аховы жывёльнага і расліннага свету.
Забарона на лоўлю сома будзе дзейнічаць па ўсёй краіне з 1 лістапада па 31 сакавіка. З набліжэннем зімы рыба залягае ў ямах і іншых сховішчах, дзе праводзіць халодны перыяд амаль нерухома. У такім стане яна становіцца лёгкай здабычай для нядобрасумленных рыбаловаў, таму абмежаванне павінна дапамагчы захаваць папуляцыю гэтага віду.
Лавіць сіга чудскага забараняецца з 1 лістапада па 15 снежня. Гэта звязана з перыядам яго нерасту: абмежаванне павінна стварыць спрыяльныя ўмовы для размнажэння рыбы.
Калі рыбалоў выпадкова зловіць сома або сіга ў перыяд дзеяння забароны, ён павінен неадкладна выпусціць рыбу назад у вадаём незалежна ад яе стану.
За парушэнне сезонных абмежаванняў прадугледжаны штраф ад 10 да 30 базавых велічынь — цяпер гэта ад 450 да 1350 рублёў. Акрамя таго, у парушальніка могуць канфіскаваць рыбалоўныя прылады і абавязаць яго кампенсаваць шкоду, нанесеную прыродзе.
Калі незаконная рыбалка прывяла да значнай шкоды, парушальніку можа пагражаць ужо крымінальная, а не адміністрацыйная адказнасць. Значнай лічыцца шкода на суму ад 100 базавых велічынь, што цяпер складае 4500 рублёў.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары