ЗША і Еўропа не спадзяюцца дамовіцца з Пуціным і рыхтуюцца да працяглай вайны
Амерыканскія і еўрапейскія чыноўнікі лічаць, што вайна ва Украіне можа працягнуцца як мінімум да 2027 года. Паводле інфармацыі крыніц агенцтва Bloomberg, апошняя спроба аднавіць перамовы з Крамлём не прынесла істотнага выніку.
Візіт спецпасланнікаў ЗША Джарэда Кушнера і Стывена Уіткафа ў Маскву і Кіеў не прывёў да прарыву. Пасля трохгадзіннай сустрэчы з імі Уладзімір Пуцін, паводле еўрапейскіх крыніц, не засведчыў гатоўнасці змяніць сваю пазіцыю і можа ўзмацніць удары па Украіне з набліжэннем зімы.
Адзін з суразмоўцаў Bloomberg сцвярджае, што Расія ў найбліжэйшыя шэсць месяцаў можа ўзмацніць атакі на ўкраінскую энергетыку і сістэмы цеплазабеспячэння, а таксама гібрыдныя атакі супраць еўрапейскіх краін. У Крамлі разлічваюць палепшыць свае пазіцыі да вясны і пазбягаюць сур'ёзных перамоў да таго часу.
Магчымыя расійска-ўкраінскія перамовы пры ўдзеле ЗША могуць адбыцца пасля вераснёўскіх выбараў у Дзяржаўную думу ў Расіі, аднак крыніцы Bloomberg сумняваюцца, што яны прывядуць да мірнага пагаднення.
На гэтым фоне Еўропа рыхтуецца павялічваць вайсковую падтрымку Украіны. Вялікабрытанія абвясціла пра новы пакет дапамогі на 100 мільёнаў фунтаў стэрлінгаў. Міністр абароны Германіі Борыс Пісторыус заявіў, што Берлін тэрмінова перадасць Украіне ракеты для сістэм Patriot са сваіх запасаў, назваўшы падрыхтоўку краіны да зімы галоўным прыярытэтам.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары