Пра знікненне свайго школьнага сябра Уладзіміра Алдохіна паведаміў у фэйсбуку архітэктар і адзін з рэдактараў беларускай Вікіпедыі Уладзіслаў Чаховіч.
«Знік мой школьны сябар Уладзімір Алдохін (нар. 13.07.1993), які апошнія гады жыў у Вільні і працаваў інжынерам-электрыкам у высокатэхналагічнай кампаніі I-Photonics UAB.
Нядаўна ён звольніўся адтуль пасля доўгіх гадоў працы, пасля накіраваўся на адпачынак у Італію, імаверна, адзін. 5 верасня ён напісаў маці, што ляціць туды. 9 верасня я перапісваўся з ім, і ён хутка адказваў. 10 верасня ён паведаміў свайму іншаму сябру, што знаходзіцца ў Ліворна, Таскана.
Апошні раз яго тэлефон быў у сетцы 13 верасня, пра што сведчыць акаўнт у Вайберы.
Літоўская паліцыя прыняла заяву на разгляд. Родныя, калегі і сябры шукаюць яго», — напісаў Уладзіслаў Чаховіч.
Цяпер чытаюць
Памілаваныя 15 чалавек, сярод якіх 13 палітвязняў11
Каментары