Прадпрымальнік на прысядзібным участку вырошчваў цюльпаны ў прамысловых маштабах
Пад увагу падатковых органаў трапіла дзейнасць індывідуальнага прадпрымальніка Д., які ўвозіў у Беларусь цыбуліны цюльпанаў і вырошчваў з іх кветкі, якія пасля прадаваў за межы краіны.
Прадпрымальнік арганізаваў вытворчасць на зямельным участку, які быў выдзелены для вядзення асабістай падсобнай гаспадаркі. Такі рэжым прадугледжвае льготы і падатковыя прэферэнцыі. Асабістая падсобная гаспадарка прызначаная для грамадзян, якія самастойна вырабляюць прадукцыю на сваім участку для ўласных патрэб і могуць прадаваць яе лішкі.
Падчас праверкі высветлілася, што на самой справе на ўчастку вялася камерцыйная дзейнасць. Там 13 чалавек без афіцыйнага працаўладкавання займаліся зразаннем і ўпакоўкай цюльпанаў. Акрамя таго, да адпраўкі за мяжу рыхтавалі больш за 520 тысяч кветак.
Паводле вынікаў праверкі было ўстаноўлена, што за чатыры гады ІП Д. рэалізаваў за межы Беларусі больш за 2,2 мільёна цюльпанаў. Выручка ад гэтай дзейнасці склала 388 тысяч рублёў.
Прадпрымальніка прыцягнулі да адміністрацыйнай адказнасці паводле часткі 3 артыкула 13.3 Кодэкса Беларусі аб адміністрацыйных правапарушэннях. Яму прызначылі штраф у памеры 4,5 тысячы рублёў, а таксама канфіскавалі 5% даходу, атрыманага ў выніку незаконнай дзейнасці, — 19,4 тысячы рублёў.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ3
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары