Hałoŭny korpus Biełaruskaha dziaržaŭnaha ŭniviersiteta ŭ Minsku ciapier restaŭrujuć. Budynak maje status historyka-kulturnaj kaštoŭnaści, tamu za rabotami sočać navukoŭcy, kab padčas abnaŭleńnia zachavać jahony histaryčny vyhlad, piša «Minskbud».
Rekanstrukcyja zakranaje jak unutranyja pamiaškańni, tak i fasady. U budynku ciapier pracujuć bolš za 120 čałaviek — tynkoŭščyki, santechniki, elektryki, śpiecyjalisty pa ściažcy padłoh i inšyja rabočyja. Asnoŭnyja składanyja raboty ŭžo vykananyja, ciapier idzie etap azdableńnia.
Da vieraśnia płanujuć zaviaršyć uzmacnieńnie kanstrukcyj. Paralelna rabočyja robiać ściažku padłoh, prakładajuć elektryčnyja i santechničnyja sietki, tynkujuć ścieny i pieraharodki.
Inžyniernyja sistemy budynka całkam zamieniać, u tym liku sistemu aciapleńnia. Jaje pracazdolnaść možna budzie pravieryć z nadychodam chaładoŭ, kali ŭklučać aciapleńnie.
Taksama ŭ hałoŭnym korpusie mianiajuć staryja lifty. Raboty pravodziać uručnuju: spačatku ŭmacoŭvajuć karkas, zatym ustaloŭvajuć nievialikuju apałubku jarusami prykładna pa paŭtara mietra i zalivajuć bieton, pastupova padymajučysia z paviercha na pavierch.
Vokny pry hetym vyrašyli pakinuć raniejšymi. Ich časova źniali, kab pravieści raboty pa ŭzmacnieńni mižakońniaŭ, paśla čaho vokny viernuć na svaje miescy.
Restaŭracyja fasada z boku ŭniviersiteckaha dvara pavinna pačacca ŭžo ŭ žniŭni. Najpierš tam abnoviać dach: zamieniać pakryćcio, sistemu krokvaŭ i słychavyja vokny.
Asablivuju ŭvahu nadajuć elemientam, jakija źjaŭlajucca admietnymi rysami hałoŭnaha korpusa BDU. U pieršuju čarhu heta dubovyja ŭvachodnyja dźviery i vitražy biblijateki. Ich płanujuć adnavić i viarnuć budynku raniejšy vyhlad.
Za restaŭracyjaj hetych elemientaŭ taksama sočać śpiecyjalisty i navukoŭcy. Hałoŭnaja zadača — abnavić budynak, ale pry hetym nie stracić jahonyja histaryčnyja i architekturnyja asablivaści.
Budaŭniki mietro skončyli raboty pad rečyščam Śvisłačy
U Łošyckim parku adnoviać razburanyja kaplicu i młyn. Jak jany buduć vyhladać paśla rekanstrukcyi
Paciarpieły ad pažaru dom u centry Minska nakryli časovym dacham i paskarajuć kapitalny ramont
Padziemny pierachod sa šklanymi kubami na Arłoŭskaj amal hatovy
Kamientary