Padziemny pierachod sa šklanymi kubami na Arłoŭskaj amal hatovy
Praces uźviadzieńnia — a jon byŭ zusim nie imklivy — amal nichto i nie zaŭvažyŭ, chacia raboty vialisia ledź nie pasiarod horada, piša Onliner.by.
Novy padziemny pierachod, jaki pavinien złučyć «bierahi» vulicy Arłoŭskaj, abiacali jašče viasnoj minułaha hoda. Tady budaŭniki (mietrabudaŭniki!) vykapali adrazu try katłavany pa abodvuch bakach darohi: startavy, rabočy i pryjomny.
Dla niespraktykavanaha čałavieka hetyja katłavany mała čym adroźnivalisia ad tych, što zvyčajna robiać pry budaŭnictvie novych stancyj mietro: u «vyjemkach» źjavilisia žaleznyja pajasy, raściažki z trub.
Adnak łancužok surovych katłavanaŭ byŭ tolki pačatkam vialikaj pracy.
Śpiecyjalistam treba było pabudavać paŭnavartasny padziemny pierachod daŭžynioj bolš za 37 mietraŭ. I heta biez spynieńnia ruchu na pavierchni.
Usie raboty vykonvalisia stroha pad ziamloj. Pa sutnaści, byŭ vykapany mini-tunel mietro, tolki biez «Alesi» ci «Maryi» i dla piešachodnych patreb.
«Spačatku ŭ rabočym katłavanie mietadam haryzantalnaha bureńnia byŭ stvorany P-padobny kupał: na ŭsiu daŭžyniu pierachodu, a heta 37 mietraŭ, pa čarzie ŭciskalisia 28 mietaličnych trub, što ŭtvaryła achoŭny ekran. Potym pačałasia paetapnaja vyjemka hruntu i ŭstanoŭka mietaličnych ram. Kali ŭsie 30 ram zaniali svajo prajektnaje stanovišča, pačałosia zašyvańnie kanstrukcyi pierachodu mietaličnymi listami — tunel apranuŭsia ŭ mietaličnuju achoŭnuju «kašulu». Dalej prastoru pamiž kupałam z trub i ramnym karkasam zapoŭnili bietonam», — apisvali etapy rabot u «Minskbudzie».
Hučyć składana. Ale zatoje jak efiektyŭna: nie było nivodnaha dnia, kab Arłoŭskaja «stała» z-za takoha maštabnaha i składanaha budaŭnictva.
Prykładna praz hod pierachod amal hatovy.Tyja samyja katłavany zasypany. Uvachodnyja hrupy ŭžo azdobleny škłom i plitkaj. Śpiecyjalisty dadajuć dekor — pierfaravanyja mietaličnyja płaściny z arnamientam. Da zapusku rychtujucca lifty.
Pa adčuvańniach, da taho momantu, kali pierachod stanie dastupnym dla ŭsich, zastalisia ličanyja dni.
«Heta druhi padziemny pierachod, jaki mietrabudaŭniki ŭzvodziać bieź źmieny schiemy ruchu transpartu. Pieršy prajekt byŭ paśpiachova realizavany za 8 miesiacaŭ zamiest narmatyŭnych 15 na skryžavańni pr. Niezaležnaści z vuł. Turaŭskaha i Kalinoŭskaha. Vopyt byŭ rekamiendavany da raspaŭsiudžvańnia, i voś vam vynik!» — nie chavajuć honaru ŭ «Minskbudzie».
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary