«Niachaj sami jaduć». U Minsku ździvilisia cenam na chatnija zakatki
Na adnym sa staličnych rynkaŭ u mikrarajonie Uručča-3 źviarnuli ŭvahu na ceny na pradukty chatniaj kansiervacyi. Akazałasia, što zvyčajnyja zakatki kaštujuć davoli doraha, što vyklikała ździŭleńnie ŭ patencyjnych kupcoŭ, piša Tochka.by.
Litrovy słoik marynavanych ahurkoŭ kaštuje 15 rubloŭ. Prykładna stolki ž prosiać za asarci z ahurkoŭ i pamidoraŭ. Paŭlitrovy słoik ščaŭja abydziecca ŭ 10 rubloŭ, a takaja ž kolkaść miodu — u 16 rubloŭ.
Ceny aktyŭna abmiarkoŭvali ŭ sacsietkach. Niekatoryja karystalniki paličyli ich zavyšanymi i adznačyli, što značna bolš vyhadna rabić zakatki samastojna.
Adna z žančyn napisała, što ŭ jaje ščaŭje nastolki dobra ŭradziła, što jana zapoŭniła im marazilnik, pačastavała susiedziaŭ, a reštu adpraviła ŭ kampost. Tamu addavać 10 rubloŭ za banku, jakoj chopić na adzin raz pryhatavać stravu, jana nie bačyć sensu. Chaj, maŭlaŭ, jaduć sami.
Inšyja taksama adznačali, što addajuć pieravahu ŭłasnaj kansiervacyi, bo sami viedajuć, z čaho jana zroblena i jaki recept vykarystany. Niekatoryja navat pažartavali, što ciapier zrazumieła, navošta haspadyni kožny siezon zakatvajuć pa niekalki socień słoikaŭ.
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary
[Zredahavana]