Žycharka Dobruša źviarnułasia ŭ milicyju z zajavaj ab kradziažy roznaj majomaści z padvała pamiaškańnia, jakoje znachodzicca ŭ jaje karystańni. Nieviadomy złamaŭ naviasny zamok i zabraŭ, što jamu spadabałasia.
Siarod skradzienaha — akumulatar dla matacykła, zaradnaja pryłada da jaho, a taksama słoiki z zakatkami. Ahułam z palic źnikła bolš za 20 słoikaŭ.
Milicyja ŭstanaviła padazravanuju — 72‑hadovuju žančynu.
U domie žančyny byli znojdzieny zakatki z rukapisnymi paznakami na nakryŭkach. Anałahična adznačanyja słoiki zachoŭvalisia i ŭ padvale paciarpiełaj. Kab vyznačyć praŭdu, pryznačyli sudovuju hrafałahičnuju ekśpiertyzu.
U vyniku detalovaha analizu ŭdałosia vyjavić prykmiety, jakija indyvidualizujuć počyrk haspadyni zakatak. Zapisy na ŭsich słoikach zrobleny adnym i tym ža čałaviekam, paviedamlaje Dziaržkamitet sudovych ekśpiertyz.
Kamientary