Mark Formelle vypuściŭ limitavanuju kapsułu «Architektura Biełarusi» sa znakavymi słavutaściami. Pavodle zadumy vytvorcy, ulubionyja miescy Biełarusi ciapier možna nasić z saboj, piša Myfin.
Hałoŭnaj admietnaściu kalekcyi stali vyjavy paznavalnych abjektaŭ biełaruskaj architektury. Za kožnym pryntam staić śviadomy vybar i adčuvańnie ad miesca. Tak, u liniejcy pradstaŭleny chudzi i śvitšoty z čyhunačnym vakzałam Bresta, Vialikim teatram opiery i baleta ŭ Minsku, Dramatyčnym teatram Hrodna, Mirskim zamkam i bramaj Minska.
Bazavyja adcieńni — bardovy, čorny, šery, małočny i ciomna-sini.
Pry stvareńni pryntaŭ dyzajniery vykarystoŭvali tonkuju liniju, što dazvoliła zachavać paznavalnaść słavutaściej i pry hetym zrabić vyjavy minimalistyčnymi. Takoje rašeńnie adsyłaje da stylu architekturnaj hrafiki XX stahodździa, kali čarciažy budynkaŭ stanavilisia samastojnym mastactvam.
Miarkujecca, što chudzi mohuć padšturchnuć da novych mini-padarožžaŭ pa adlustravanych na ich miescach. A dla tych, chto zaraz daloka, śvitšot ź Mirskim zamkam ci Bresckim vakzałam stanie ciopłym i žyvym napaminam pra rodnyja miaściny.
«Biełaruś — kraina dziŭnych kantrastaŭ, dzie viekavyja zamki susiedničajuć z avanhardnaj architekturaj XX stahodździa. Stvarajučy hetuju kalekcyju, my chacieli nahadać, što kulturnaja spadčyna — heta častka našaha paŭsiadzionnaha žyćcia. My naŭmysna abrali spakojnuju kalarovuju hamu i łakaničnuju padaču, kab hetyja tałstoŭki stali lubimaj bazavaj rečču ŭ harderobie», — adznačajuć pradstaŭniki brenda.
Ceny — ad 55 da 80 rubloŭ.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia13
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Ćvietuŝich ozier i pieriesochšich bołot.... strana ujechavšich - biez elit i choziaina... Strana - PRIMIER i UČITIEL...