Prezident Litvy pra vizit kiraŭnika CRU ŭ Maskvu: ZŠA nie chočuć razhałošvać jaho źmiest
Prezident Litvy Hitanas Naŭsieda zajaviŭ, što sajuźniki byli painfarmavanyja pra źmiest vizitu dyrektara CRU ZŠA ŭ Maskvu, jaki adbyŭsia na minułym tydni. Adnak padrabiaznaści nie padlahajuć ahałošvańniu pa prośbie ZŠA, piša DELFI.
«Sajuźniki paviedamlajuć nam usim pra toje, jakim byŭ źmiest razmovy. (…) Ale z pavahi da taho, što Złučanyja Štaty nie žadajuć vydavać padrabiaznaści hetaj sustrečy, my prytrymlivajemsia ŭstanoŭlenaha paradku», — zajaviŭ kiraŭnik litoŭskaj dziaržavy žurnalistam.
Pavodle słoŭ Naŭsiedy, metaj vizitu było źnižeńnie napružanaści ŭ rehijonie.
«Na hety momant mahu kanstatavać, što sustreča adlustroŭvała pastaŭlenyja mety i była nakiravanaja na deeskałacyju napružanaści ŭ rehijonie. Ja vielmi spadziajusia, što hety sihnał svoječasova dajšoŭ da kramloŭskaha režymu», — padkreśliŭ jon.
Vydańnie Politico paviedamlała, što kiraŭnik CRU prylataŭ u Maskvu, kab papiaredzić Rasiju ab niedapuščalnaści ataki na krainy Bałtyi.
The Wall Street Journal sa spasyłkaj na amierykanskich čynoŭnikaŭ paviedamiła, što Donald Tramp asabista nakiravaŭ dyrektara CRU Džona Retklifa ŭ Maskvu. Jak adznačaje hazieta, dypłamatyčnaja misija Retklifa ŭ Rasiju była «nastolki dalikatnaj», što navat niekatoryja vysokapastaŭlenyja supracoŭniki Biełaha doma nie viedali pra jaje zahadzia.
Sam ža Donald Tramp nazvaŭ pajezdku «amal rucinnaj». U Kramli zajavili, što pajezdka Retklifa źviazanaja z kantaktami pamiž rasijskimi i amierykanskimi śpiecsłužbami.
-
Kazachstan uvodzić płatnyja dazvoły na ŭjezd u krainu. Biełarusaŭ taksama tyčycca
-
Dvoje biełarusaŭ, jakija mieli suviazi z rasijskaj vajskovaj pramysłovaściu, pryznali svaju vinu ŭ Litvie
-
«Kab uvieś śviet havaryŭ pa-rusku, vyvučajcie aŭtamat Kałašnikava». U Rasii ŭdzielnik vajny daŭ nakaz školnikami 1 vieraśnia
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja11
Kamientary