Dziasiatkam dzikoŭ finskija pamiežniki nie dajuć pierachodzić miažu Finlandyi i Rasii
Kala ŭschodniaj miažy Finlandyi sabrałasia da sotni dzikoŭ, jakija nie mohuć viarnucca ŭ Rasiju svaim zvykłym mihracyjnym maršrutam. Pryčynaj stała ŭspyška afrykanskaj čumy śviniej, paviedamlaje vydańnie Yle.
Dziki žyvuć pa abodva baki finska-rasijskaj miažy i zvyčajna svabodna pieramiaščajucca pamiž krainami ŭ pošukach ježy. Adnak paśla vyjaŭleńnia virusa ŭ miortvych parasiat dzika ŭ rajonie Virałachci na poŭdni Finlandyi finskija pamiežniki časova zakryli śpiecyjalnyja varoty dla pierachodu dzikich žyvioł.
Śpiecyjalisty aścierahajucca, što kali zvykły maršrut zastaniecca pierakrytym, dziki mohuć pačać ruchacca na zachad, raspaŭsiudžvajučy infiekcyju. Tamu žyvioł časova padkormlivajuć, kab jany nie pakidali niebiaśpiečnuju zonu.
Finskija ŭłady taksama razhladajuć mahčymaść ustalavańnia dadatkovaj aharodžy, ale na jaje budaŭnictva moža spatrebicca niekalki miesiacaŭ.
U rajonach Virałachci, Mijechikkiala i na poŭdni Łapieenranty časova zabaranili palavańnie, lesanarychtoŭku i vyhuł sabak biez pavadka. Akramia taho, u trochkiłamietrovaj zonie vakoł miesca vyjaŭleńnia zaražanych parasiat kala Vaalimaa zabaronieny zbor jahad i hryboŭ.
Takija miery pavinny dapamahčy praduchilić dalejšaje raspaŭsiudžvańnie afrykanskaj čumy śviniej.
Kamientary