Kiraŭnictva kancerna Volkswagen Group uchvaliła maštabnuju prahramu restrukturyzacyi pad nazvaj «Płan budučyni — 2030». Jana praduhledžvaje istotnaje skaračeńnie kolkaści pracoŭnych miescaŭ i madelaŭ aŭtamabilaŭ, a taksama źmianieńnie struktury biznesu, piša Deutsche Welle.
Naziralnaja rada Volkswagen adnahałosna padtrymała płan, padrychtavany kiraŭnictvam kancerna. Jaho nazyvajuć najbujniejšaj prahramaj azdaraŭleńnia ŭ historyi niamieckaha aŭtavytvorcy.
Volkswagen raźličvaje ŭ budučyni pradavać kala 9 miljonaŭ aŭtamabilaŭ u hod i davieści hadavy apieracyjny prybytak da 31 miljarda jeŭra. Pry hetym u 2027—2031 hadach kampanija płanuje ŭkłaści kala 135 miljardaŭ jeŭra ŭ inviestycyi, daśledavańni i raspracoŭki.
Adnym z hałoŭnych punktaŭ prahramy stanie istotnaje skaračeńnie madelnaha šerahu. Da 2035 hoda Volkswagen płanuje prykładna ŭdvaja pamienšyć kolkaść madelaŭ, a kolkaść varyjantaŭ ich kamplektacyi — na 75 pracentaŭ. U kampanii ličać, što mienšaja kolkaść madelaŭ dazvolić vypuskać kožnuju ź ich bolšymi nakładami i takim čynam źnizić sabiekošt za košt vykarystańnia adnolkavych detalaŭ i technałohij.
Pakul Volkswagen nie paviedamiŭ, jakija kankretna madeli mohuć źniknuć z vytvorčaści. Rešta aŭtamabilaŭ pavinna zacikavić kupcoŭ sučasnym dyzajnam i technałohijami, adaptavanymi da roznych rynkaŭ.
Asobna kancern płanuje skaracić kala 50 tysiač pracoŭnych miescaŭ, u tym liku kiraŭničyja pasady. Pakul nie ŭdakładniajecca, zakranie hetaje skaračeńnie tolki pradpryjemstvy ŭ Hiermanii ci taksama pad jaho trapiać zavody i padraździaleńni Volkswagen u inšych krainach.
Pry hetym kampanija pakul nie płanuje niepasredna zakryvać zavody. U Volkswagen pryznajuć, što vytvorčyja mahutnaści kancerna ŭ Jeŭropie ciapier pieravyšajuć patreby. Tamu pad pytańniem znachodzicca budučynia čatyroch pradpryjemstvaŭ u Hiermanii — zavodaŭ u Emdenie, Ćvikaŭ i Hanoviery, a taksama pradpryjemstva Audi ŭ Niekarzulmie. U 2030‑ch hadach im moža być składana zabiaśpiečyć dastatkovuju zahruzku, jakaja dazvalała b zastavacca kankurentazdolnymi. Kancern maje namier šukać dla hetych abjektaŭ inšyja sposaby vykarystańnia.
Raniej źjaŭlałasia infarmacyja, što Volkswagen abmiarkoŭvaŭ mahčymaść pieraprafilavańnia adnaho sa svaich zavodaŭ u Asnabruku, u tym liku dla vytvorčaści vajskovaj pradukcyi.
Značnyja źmieny čakajuć i mižnarodny biznes kancerna. U Kitai Volkswagen płanuje prystasavać svaju dziejnaść da miascovaha rynku, dzie ŭ apošnija hady asabliva chutka rastuć prodažy elektramabilaŭ. U Paŭnočnaj Amierycy, naadvarot, kampanija choča zasiarodzicca na najbolš prybytkovych siehmientach, pakolki popyt na elektramabili tam u 2025 hodzie źniziŭsia ŭ paraŭnańni z papiarednim hodam.
Akramia taho, Volkswagen maje namier pavialičyć ekspart aŭtamabilaŭ, vyrablenych u Hiermanii, u krainy tak zvanaha hłabalnaha Poŭdnia. Kancern taksama płanuje pradać abo rearhanizavać častku svaich aktyvaŭ, pierahledzieć nieruchomaść i zrabić strukturu biznesu bolš kampaktnaj.
Nieabchodnaść maštabnaj restrukturyzacyi ŭ Volkswagen tłumačać źnižeńniem prybytkaŭ. Raniej čakałasia, što kancern moža skaracić da 100 tysiač pracoŭnych miescaŭ pa ŭsim śviecie, tamu ciapierašni płan praduhledžvaje mienšy maštab zvalnieńniaŭ.
Razam z tym stanovišča Volkswagen na niekatorych rynkach zastajecca mocnym. Pa vynikach 2025 hoda kancern byŭ najbujniejšym pradaŭcom elektramabilaŭ u Jeŭropie, a ŭ pačatku 2026 hoda zdoleŭ znoŭ zaniać lidarskuju pazicyju na aŭtamabilnym rynku Kitaja.
Suśvietnyja aŭtavytvorcy adzin za adnym stračvajuć prybytak. Va ŭsim vinavaty pierachod na elektramabili?
Niamieckaja ekanomika pałamałasia, a «płana B» ni ŭ koha niama
Dyziel moža pieramahčy elektramabili? Jak jeŭrapiejski aŭtapram akazaŭsia na miažy kryzisu
Kitaj upieršyniu staŭ suśvietnym lidaram na rynku aŭto. Jak tak atrymałasia?
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary
"Po dannym Niemieckoho ekonomičieskoho instituta (IW), k 2036 hodu niechvatka kadrov v stranie možiet vyrasti do 4,3 milliona čiełoviek. Ostriejšij dieficit oŝuŝajetsia v IT-siektorie, inžienierii, stroitielstvie, na žieleznodorožnom transportie, a takžie v miedicinie i uchodie za požiłymi lud́mi."
I niet, vaši sładkije chotiełki vysyłki russkich hraždan Hiermanii (takžie, kak i biełorusskich, ukrainskich) NIKOHODA nie osuŝiestviatsia. Eto top cieńniejšiej kvalificirovannoj rabočiej siły.