Cim Kuk raźvitaŭsia z pasadaj hienieralnaha dyrektara Apple paśla 15 hadoŭ kiraŭnictva
31 žniŭnia stała apošnim dniom Cima Kuka na pasadzie hienieralnaha dyrektara kampanii Apple. Z 1 vieraśnia kiraŭnictva technałahičnym hihantam aficyjna pierachodzić da Džona Ternusa, jaki da hetaha zajmaŭ pasadu staršaha vice-prezidenta pa raspracoŭcy aparatnaha zabieśpiačeńnia.
Pierad zvalnieńniem Kuk nakiravaŭ supracoŭnikam Apple raźvitalny list, u jakim pryznaŭsia, što budzie vielmi sumavać pa svajoj pracy, ale pieradaje kiravańnie ŭ nadziejnyja ruki:
«Ja budu sumavać pa tym, jak kiravaŭ vami i byŭ z vami na kožnym kroku, choć i adčuvaju vielizarnaje suciašeńnie, pieradajučy kiravańnie takomu bliskučamu, cudoŭnamu i zdolnamu čałavieku, jak Džon. Niamnohija razumiejuć, što treba dla stvareńnia praduktaŭ, jakija mianiajuć śviet, tak, jak heta robić Džon, i ja vielmi rady jahonamu lidarstvu».
Cim Kuk uznačalvaŭ Apple na praciahu 15 hadoŭ. Jaho pierajemnik Džon Ternus raniej kuryravaŭ raspracoŭku pryład, jakija prynosili kala 80% dachodu kampanii. Novy kiraŭnik užo zajaŭlaŭ, što Apple praciahnie rabić hałoŭny akcent na dyzajnie, bo jon zastajecca asnovaj usich praduktaŭ brenda.
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary