Цім Кук развітаўся з пасадай генеральнага дырэктара Apple пасля 15 гадоў кіраўніцтва
31 жніўня стала апошнім днём Ціма Кука на пасадзе генеральнага дырэктара кампаніі Apple. З 1 верасня кіраўніцтва тэхналагічным гігантам афіцыйна пераходзіць да Джона Тэрнуса, які да гэтага займаў пасаду старшага віцэ-прэзідэнта па распрацоўцы апаратнага забеспячэння.
Перад звальненнем Кук накіраваў супрацоўнікам Apple развітальны ліст, у якім прызнаўся, што будзе вельмі сумаваць па сваёй працы, але перадае кіраванне ў надзейныя рукі:
«Я буду сумаваць па тым, як кіраваў вамі і быў з вамі на кожным кроку, хоць і адчуваю велізарнае суцяшэнне, перадаючы кіраванне такому бліскучаму, цудоўнаму і здольнаму чалавеку, як Джон. Нямногія разумеюць, што трэба для стварэння прадуктаў, якія мяняюць свет, так, як гэта робіць Джон, і я вельмі рады ягонаму лідарству».
Цім Кук узначальваў Apple на працягу 15 гадоў. Яго пераемнік Джон Тэрнус раней курыраваў распрацоўку прылад, якія прыносілі каля 80% даходу кампаніі. Новы кіраўнік ужо заяўляў, што Apple працягне рабіць галоўны акцэнт на дызайне, бо ён застаецца асновай усіх прадуктаў брэнда.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя11
Каментары