Stała viadoma, kolki «Savuškaŭ pradukt» zapłaciŭ za Połacki małočny kambinat
«Savuškaŭ pradukt» staŭ adzinym udzielnikam tarhoŭ pa prodažy asnoŭnaj placoŭki zbankrutavanaha Połackaha małočnaha kambinata. Razam z vytvorčymi budynkami i abstalavańniem pakupniku pierajšli pravy na viadomy brend «Mi-Šu!», paviedamlajuć «Vićbičy».
«Savuškaŭ pradukt» staŭ ułaśnikam asnoŭnaj vytvorčaj placoŭki Połackaha małočnaha kambinata, jaki likvidujuć praz bankructva. Bresckaja kampanija była adzinym udzielnikam tarhoŭ i prapanavała ŭsiaho na 526 rubloŭ bolš za pačatkovuju canu.
Majomasny kompleks pradali za 32 miljony 593 tysiačy rubloŭ. Pakupnik pavinien całkam raźličycca za jaho ciaham 30 dzion paśla zaklučeńnia damovy.
U łot uvajšli kala 200 abjektaŭ — pieravažna vytvorčyja budynki i abstalavańnie na asnoŭnaj placoŭcy kambinata ŭ Połacku. Razam ź imi «Savuškaŭ pradukt» atrymaŭ pravy na tavarnyja znaki «Mi-Šu!» — pandu i serca.
Połacki małočny kambinat byŭ pryznany bankrutam rašeńniem Ekanamičnaha suda Viciebskaj vobłaści. Jaho kredytorskaja zapazyčanaść pieravyšała 377,8 miljona rubloŭ — bolš jak u dziesiać razoŭ za canu, pa jakoj pradali połackuju placoŭku. Suprać pradpryjemstva raspačali 930 vykanaŭčych vytvorčaściaŭ.
Atrymanyja ad prodažu hrošy nakirujuć na abaviazkovyja płaciažy i častkovuju vypłatu daŭhoŭ pierad kredytorami.
Pavodle ŭmoŭ konkursu, «Savuškaŭ pradukt» pavinien nie mienš za piać hadoŭ vykarystoŭvać kompleks jak pradpryjemstva charčovaj pramysłovaści, stvaryć u rehijonie jak minimum 400 pracoŭnych miescaŭ i ŭkłaści nie mienš za 50 miljonaŭ rubloŭ ciaham piaci hadoŭ.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary