«Kolki za rekłamu zapłacili?» Junak z madelnaj źniešnaściu robić topavyja tyktoki z pracy na zavodzie liftoŭ
21‑hadovy Raman Kanaplanik užo miesiac pracuje na «Mahiloŭliftmašy» i za hety čas pieratvaryŭsia ŭ sapraŭdnuju tyktok-zorku. Małady inžynier začaroŭvaje raspoviedami pra svoj zavod — uražańni ŭ jaho zusim nie tyja, jakich čakaješ ad takich miescaŭ.
Raman trapiŭ na mahiloŭski zavod pa raźmierkavańni. Jaho śpiecyjalnaść — inžynier-elektronik: chłopiec pavinien kantralavać pracu stankoŭ, prahramavać ich i ramantavać elektronnyja pryłady.
Jašče da svajoj pracy Raman zapisvaŭ ryłzy ŭ instahramie, ale zvyčajna jany nabirali nie bolš za niekalki tysiač prahladaŭ. Ale ž videa z apoviedami pra zavod, jakija ciapier robić chłopiec, prynieśli jamu sapraŭdnuju papularnaść.
Rolik, dzie Raman raśpisvaje plusy pracy na jaho zavodzie, atrymaŭ za 11 dzion amal 570 tysiač prahladaŭ, nie kažučy pra sotni tysiač prahladaŭ na tyktoku:
«Ja ŭkałvaju na zavodzie «Mahiloŭliftmaš». I tak, u nas vielmi zručny hrafik z 7:00 da 15:30. Ja prychodžu dachaty ŭviečary, i ŭ mianie jašče kuča času. Ja ŭkałvaju na zavodzie «Mahiloŭliftmaš», ale, chłopcy, u nas jość biaspłatnaja strachoŭka, pa jakoj možna zapisacca da daktaroŭ. Ja navat zapisaŭsia ŭžo na MRT, jakoje kaštuje miljon hrošaj.
Ja pracuju na zavodzie «Mahiloŭliftmaš», i nas dobra kormiać. Litaralna voś takaja porcyja kaštuje ŭsiaho 5 rubloŭ, ale pry hetym usio maksimalna smačna. Ja pracuju na zavodzie «Mahiloŭliftmaš», i prykińcie, chłopcy, tut jość biaspłatnaja łaźnia».
U svaim profili ŭ instahramie Raman padpisvaje siabie jak madel. Chłopiec razumieje, što jaho madelny vyhlad nie zusim spałučajecca z vobrazam rabočaha, i zapisaŭ na hetuju temu asobny ryłz. Hety kantrast nastolki ŭražvaje niekatorych kamientataraŭ, što jany nie vierać, nibyta chłopiec sapraŭdy pracuje na zavodzie:
«Navošta ŭvodzić ludziej u zman? Ty ž ni razu na zavodzie nie pracavaŭ».
«Hety Mahiloŭliftmaš ciapier z vami ŭ adnoj łaźni?»
«Kolki za rekłamu zapłacili?»
Ale Raman sapraŭdy pracuje na zavodzie — dniami jon pakazvaŭ «Mahiloŭliftmaš» karespandentam dziaržaŭnaha kanała. A zaadno i raskazvaŭ, čym zajmajecca ŭ pieršy miesiac pracy akramia trenirovak i łaźni:
«My z maim kiraŭnikom uvieś čas chodzim u cech, jon mnie pastajanna niešta pakazvaje i raskazvaje. Kali ščyra, tut nie zasumuješ. [Pamiataju] savieckija ŭstanoŭki pra zavod, pra toje, što praca tut — heta klajmo. Ale takoha nasamreč uvohule niama.
Kali ty siudy prychodziš, u ciabie jość mahčymaść rostu, ty sapraŭdy možaš vyvučyć niešta novaje, tabie mohuć usio pakazać i raskazać».
Da chłopca ŭ kamientary pryjšli i ludzi, jakija pracavali na zavodzie našmat bolš za miesiac. Jany papiaredžvajuć, što ź ciaham času ŭražańni Ramana ad zavoda mohuć źmianicca:
«Ty adrabi hod ci bolej, potym zrazumieješ. Ja taksama tak ličyŭ, kali pačynaŭ pracavać».
«Pra zarobki raskažy i ich rost za apošnija piać hadoŭ».
«Ja pracavaŭ u try źmieny, i taksama była pieršaja źmiena z 7:00 da 15:30. Ale kłaścisia spać u 22:00 ja nie moh, a ŭstavać treba ŭ 5‑j ranicy. Zdahadajciesia, chto hod spaŭ pa 6 hadzin i źniščyŭ sabie cyrkadnyja rytmy?»
«Naša Niva» — bastyjon biełaruščyny
PADTRYMAĆ
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary
Potym prychodziać da ciabie z vychavaŭča- prafiłaktyčnaj razmovaj i kali jana nie maje pośpiechu, to padsoŭvajuć kalendar i zapytvajuć ź jakoho čysła zvalniaješsia.
I tak abryvajecca karjera maładoha inžyniera. Adkul ja heta viedaju? Ja byŭ tym maładym inžynieram...
czto batraczil na zawode
poidet w modelnoje agenstwo trusy prodawat