Telegram vydaliŭ svoj aficyjny biełaruski kanał — vierahodna, kab nie padstaŭlać ludziej. Ale mnohija paśpieli padstavicca
Ciapier užo mała chto ŭspomnić, što 15 žniŭnia 2020 hoda źjaviŭsia kanał «Telegram Biełaruś». Heta byŭ aficyjny kanał miesiendžara dla biełaruskaj aŭdytoryi, jakaja vybuchova vyrasła na fonie błakirovak miedyja i internetu. U kanale było praviedzienaje testavaje apytańnie «Za kaho vy hałasavali na vybarach?» tolki dla biełaruskich karystalnikaŭ. Praz hady pra heta ŭspomnili ŭ orhanach.
Toje apytańnie sabrała 10,6 miljona prahladaŭ i 2,41 miljona hałasoŭ.
Hałasavać za kankretnych kandydataŭ mahli tolki karystalniki ź biełaruskimi sim-kartami — Telegram tady ŭpieršyniu testavaŭ takuju miechaniku. Astatnim zastavaŭsia varyjant «Ja nie ź Biełarusi».
Vynik to akazaŭsia čakanym. Z 1,64 miljona karystalnikaŭ ź Biełarusi za Śviatłanu Cichanoŭskuju hałasavali 75%, a za Alaksandra Łukašenku — 6%.
Na nastupny dzień, 16 žniŭnia, u kanale źjaviŭsia jašče adzin post. Pavieł Duraŭ paviedamiŭ, što Apple patrabuje zabłakavać kanały, jakija publikujuć danyja siłavikoŭ i prapahandystaŭ, i vynies pytańnie na hałasavańnie — ci rabić tak. 67% vykazalisia suprać błakiroŭki.
Paśla hetaha kanał ścich: za šeść hadoŭ u im nie źjaviłasia nivodnaha novaha paviedamleńnia.
Ale svoj užytak hetym danym praz hady znajšli ŭ represiŭnych orhanach. Pa anałohii z tym, jak nahodaj dla čystak siarod čynoŭnikaŭ staŭ fakt padpiski za Viktara Babaryku, Valeryja Capkału ci Śviatłanu Cichanoŭskuju, tak i hałasavańnie ŭ hetym kanale stała nahodaj dla zvalnieńniaŭ.
Chacia apytańnie i było ananimnym, ale na pryładzie samoha karystalnika vidać, za kaho jon hałasavaŭ, kali jon nie mianiaŭ akaŭnty.
Takim čynam, jak stała viadoma «Našaj Nivie», ciaham hetaha hoda kadraviki-śpiecsłužbisty ŭ dziaržaŭnych arhanizacyjach atrymali instrukcyi adkryvać z mabilnika supracoŭnika kanał «Telegram Biełaruś» pry praviadzieńni pravierak (kali čałavieka prymali na pracu ci źbiralisia pavysić).
Kali akazvałasia, što čałaviek nie mianiaŭ akaŭnt i pryniaŭ udzieł u hałasavańni, pakazaŭšy svoj hołas za Cichanoŭskuju — zvalnieńnie.
Kolki takich vypadkaŭ adbyłosia pa krainie, nieviadoma, ale infarmacyja pra niekatoryja ź ich paćvierdžanaja.
Jak možna razumieć, hetaja infarmacyja dajšła i da samoj płatformy. Hety niežyvy aficyjny kanał jašče byŭ dastupny ŭ mai 2026 hoda (na toj momant u im zastavałasia 11,5 tysiač padpisčykaŭ). Ciapier ža jon pierastaŭ isnavać.
«Naša Niva» — bastyjon biełaruščyny
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ26
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary
Znajści 100500-ju nahodu dla zvalnieńnia, aryštu - lohka!
Kliničny čyrvona-zialony marazm.