Vytvorca papularnaha džynu razarvaŭ licenzijnaje pahadnieńnie ź biełaruskaj «dačkoj» Pernod Ricard
Dźvie kampanii, źviazanyja z vytvorčaściu viadomych ałkaholnych brendaŭ, razarvali licenzijnyja pahadnieńni ź biełaruskaj «Pierno Rykar Minsk». Infarmacyja pra heta źjaviłasia ŭ aficyjnym biuleteni Nacyjanalnaha centra intelektualnaj ułasnaści Biełarusi, piša Office Life.
Brytanskaja kampanija Allied Domecq Spirits and Wine Limited, jakaja vypuskaje džyn Beefeater, zaklučyła pahadnieńnie z «Pierno Rykar Minsk» jašče ŭ lipieni 2008 hoda. U lipieni 2026 hoda jano było skasavana.
U Biełarusi na hetuju kampaniju zarehistravanyja try tavarnyja znaki: dva źviazanyja ź viski Ballantine's i adzin — z džynam Beefeater. Abodva brendy z 2005 hoda ŭvachodziać u francuzski ałkaholny chołdynh Pernod Ricard.
Druhoje pahadnieńnie razarvała šatłandskaja Chivas Brothers Limited, jakaja ŭvachodzić u strukturu vytvorcy viski Chivas. Brend Chivas staŭ častkaj Pernod Ricard u 2001 hodzie. Pahadnieńnie z «Pierno Rykar Minsk» taksama było padpisana ŭ lipieni 2008 hoda i skasavana ŭ lipieni 2026-ha.
Biełaruskaja kampanija «Pierno Rykar Minsk» była zasnavanaja ŭ 1996 hodzie Jerevanskim kańjačnym zavodam. Z 1998 hoda zavod uvachodzić u hrupu Pernod Ricard.
Pry hetym raniej inšyja kampanii praciahvali supracoŭnictva ź biełaruskim dystrybjutaram. U 2025 hodzie šviedskaja The Absolut Group praciahnuła licenzijnaje pahadnieńnie, a mieksikanskaja struktura Pernod Ricard zaklučyła novaje pahadnieńnie na vykarystańnie tavarnaha znaka Olmeca dla tekiły.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary