Jeŭrapiejskaja sistema prahnazavańnia niebiaśpiečnych navalnic ESTOFEX abviaściła dla častki Biełarusi pieršy ŭzrovień niebiaśpieki.
Zona pavyšanaj niebiaśpieki achoplivaje centralnyja i paŭnočnyja rajony Biełarusi, a taksama častku krain Bałtyi. Papiaredžańnie dziejničaje z ranicy 4 vieraśnia da ranicy 5 vieraśnia, ale najbolš spryjalnyja dla niebiaśpiečnych źjaŭ umovy čakajucca ŭdzień, vynikaje z prahnozu ESTOFEX, paviedamlaje «Mieteavajb».
Navalničnyja chmary mohuć utvaracca davoli nizka, a ruch pavietra kala ziamli — zakručvać ich. U vyniku zvyčajnaja navalnica ŭ asobnych vypadkach zdolnaja pieratvarycca ŭ izalavanuju supieriačejku — mahutnuju navalničnuju sistemu, unutry jakoj pavietra krucicca. Mienavita z takich chmar časam apuskajucca śmierčy.
Pieršy ŭzrovień — najnižejšy z troch uzroŭniaŭ niebiaśpieki ESTOFEX. Jon śviedčyć nie pra niepaźbiežnuju stychiju, a pra nievialikuju, ale realnuju ryzyku łakalnych niebiaśpiečnych źjaŭ.
Padčas mocnaj navalnicy lepš nie zastavacca na adkrytaj miascovaści, adyści ad dreŭ, rekłamnych kanstrukcyj i linij elektrapieradačy. Kali źjavicca varonka abo pačniecca vielmi mocny škvalisty viecier, varta schavacca ŭ tryvałym budynku, adyści ad voknaŭ, spuścicca na nižni pavierch.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary