Sinoptyki Biełhidramieta prahnazujuć, što ŭ pačatku vieraśnia ŭ Biełaruś vierniecca ciopłaje nadvorje. Najbolš istotnaje pavyšeńnie tempieratury čakajecca z 7 pa 9 vieraśnia.
U hety pieryjad atmaśfierny cisk budzie raści, tamu apadkaŭ stanie mienš, a doždž budzie pieravažna łakalnym. Paŭnočna-zachodni viecier źmienicca na paŭdniova-zachodni, što paspryjaje pastupovamu paciapleńniu.
U paniadziełak, 7 vieraśnia, nočču tempieratura składzie ad +5 da +12 hradusaŭ, a ŭdzień — ad +15 da +22. U paŭnočna-ŭschodnich rajonach nočču miescami projduć karotkačasovyja daždžy.
U aŭtorak, 8 vieraśnia, istotnych apadkaŭ nie čakajecca. Nočču mahčymy słaby tuman, tempieratura budzie ad +2 da +9 hradusaŭ, a miescami na zachadzie — da +11. Udzień pavietra prahrejecca da +19…+26 hradusaŭ.
U sieradu, 9 vieraśnia, karotkačasovyja daždžy mahčymyja nočču na zachadzie, a ŭdzień — pieravažna ŭ zachodniaj častcy krainy. Miescami prahnazujucca navalnicy. Nočču budzie ad +7 hradusaŭ na ŭschodzie da +16 na zachadzie. Udzień tempieratura składzie +19…+26 hradusaŭ.
Na poŭdni Biełarusi ŭ sieradu sinoptyki prahnazujuć da +28 hradusaŭ.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt5
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary