Sinoptyk Dźmitryj Rabaŭ u efiry telekanała ANT raskazaŭ pra nadvorje ŭ Biełarusi z 31 žniŭnia pa 6 vieraśnia. Pavodle jaho słoŭ, tempieratura ŭ cełym budzie adpaviadać klimatyčnaj normie, praciahłych daždžoŭ i ŭstojlivaha pachaładańnia nie čakajecca, adnak nadvorje budzie davoli pieramienlivym.
U paniadziełak, 31 žniŭnia, na bolšaj častcy krainy budzie vobłačna z prajaśnieńniami, miescami projduć nievialikija karotkačasovyja daždžy. Unačy čakajecca ad +9 da +12 °C, dniom — ad +23 °C na paŭnočnym zachadzie i poŭnačy da +29 °C na poŭdni.
1 vieraśnia nadvorje istotna nie źmienicca: prahnazujucca karotkačasovyja daždžy, miescami mahčymyja navalnicy. Nočču budzie +9…+14 °C, dniom — ad +18 °C u Viciebskaj vobłaści da +26 °C u Homielskaj.
U sieradu, 2 vieraśnia, apadkaŭ nie čakajecca. Tempieratura ŭnačy składzie +8…+13 °C, dniom — ad +19 °C na poŭnačy da +25 °C na poŭdni krainy.
3 vieraśnia Biełaruś znoŭ apyniecca pad upłyvam atmaśfiernych frantoŭ. Budzie vobłačna z prajaśnieńniami, vierahodnyja daždžy i navalnicy. Unačy — +10…+15 °C, dniom — +19…+24 °C.
U piatnicu, 4 vieraśnia, istotnych apadkaŭ nie čakajecca. Viecier budzie zachodnim i paŭdniova-zachodnim, umieranym, časam paryvistym. Unačy tempieratura składzie +9…+14 °C, dniom — +15…+20 °C, a na poŭdni — da +25 °C.
Pieršyja vosieńskija vychadnyja, pavodle papiaredniaha prahnozu, buduć bolš prachałodnymi i daždžlivymi. U subotu, 5 vieraśnia, unačy čakajecca +9…+13 °C, dniom — ad +14 °C na zachadzie da +20 °C u Homielskaj vobłaści.
U niadzielu, 6 vieraśnia, tempieratura apuścicca jašče nižej: unačy budzie +7…+12 °C, dniom — +13…+17 °C. U Homielskaj i Bresckaj abłaściach budzie na 2—4 hradusy ciaplej.
Ciapier čytajuć
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1
Kamientary