U Rasii vyzvaliŭsia biełaruski mańjak, jakomu prysudzili bolš za 20 hadoŭ za zhvałtavańni
Pavieł Paŭlukievič chacieŭ zastacca ŭ Rasii, ale jaho adpravili na radzimu — dzie jon taksama ŭ svoj čas siadzieŭ za zhvałtavańnie.
U kastryčniku 2025 hoda z kałonii ŭ rasijskim Rosłavie (Smalenskaja vobłaść) vyjšaŭ na svabodu biełaruski złačyniec Pavieł Paŭlukievič. Jon jašče niekalki miesiacaŭ sudziŭsia za prava žyć u Rasii, ale ŭrešcie jamu admovili i adpravili ŭ Biełaruś.
U 1990‑ia ŭ Paŭlukieviča byli try sudzimaści ŭ Biełarusi — za chulihanstva, pahrozu zabojstvam žančynie i zhvałtavańnie 16‑hadovaj dziaŭčyny. Ahułam jon tady adsiadzieŭ kala siami hadoŭ. A paśla razam z žonkaj i małym dziciom pajechaŭ u Rasiju na zarobki, układvaŭ plitku.
U 2004‑m jaho aryštavali. «Maskoŭski kamsamolec» apisvaŭ dva złačynstvy Paŭlukieviča. Spačatku jon napaŭ na 18‑hadovuju dziaŭčynu, jakaja pozna ŭviečary viartałasia dadomu, zhvałtavaŭ jaje i zabraŭ dva mabilnyja telefony. A nieŭzabavie pryjšoŭ u kramu kala svajho doma, dzie visieła abjava ab pošuku pakoja. Paŭlukievič prapanavaŭ maładoj pradaŭščycy žyllo, paklikaŭ pakazać pakoj i zhvałtavaŭ jaje.
U finalnym abvinavačvańni dadałasia jašče adna historyja — «naŭmysnaje pryčynieńnie ciažkaj škody zdaroŭju, što paciahnuła śmierć čałavieka».
Pieršapačatkova Paŭlukieviču pryznačyli 22 hady źniavoleńnia, z časam jamu ŭdałosia źmienšyć termin da 20 hadoŭ i 10 miesiacaŭ.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary