Takarčuk: Ja ščyra vybačajusia pierad Cichanoŭskim za svaju frazu
Błohierka Volha Takarčuk zajaviła, što jaje krytyka mieła na mecie «spynić jaho ad tych fatalnych pamyłak, jakija ŭ vyniku jon i ździejśniŭ».
«Ja ščyra prašu prabačeńnia ŭ Siarhieja Cichanoŭskaha za svaju frazu pra toje, što jaho nie prymała nivodnaja kamiera. Mnie nie varta było hetaha kazać, bo tolki jamu adnamu viadoma, što ź im rabili ŭ turmie, u jakoj jon uvohule nie pavinien byŭ apynucca, jak i ŭsie astatnija PZ, u tym liku i ja. U kožnaha svoj paroh strachu, bolu i vynoślivaści. Što da ŭsiaho astatniaha, to ja nikoli nie abražała ni jaho, ni kaho-niebudź inšaha. Kožnaje majo videa pra Siarhieja było nakiravanaje tolki na toje, kab jon zadumaŭsia nad tym, što robić i što kaža. Ja nikoli nie apuskałasia da prynižeńniaŭ. Ja sprabavała spynić jaho ad tych fatalnych pamyłak, jakija ŭ vyniku jon i ździejśniŭ. Škada, što Siarhiej uspryniaŭ heta jak vajnu», — napisała jana ŭ svaim fejsbuku.
Jana kaža, što razumieje, što ŭsie, chto vyjšaŭ z łukašenkaŭskaha pałonu, — hłyboka traŭmavanyja ludzi.
«Nam daviałosia pieražyć toje, čaho my nie pavinny byli pieražyvać i praz što nie pavinny byli prachodzić. Ale takaja cana baraćby za svabodu Biełarusi», — dadała jana.
Raniej u efiry «Jeŭraradyjo» Volha rezka vykazałasia pra Siarhieja Cichanoŭskaha.
«U mianie ŭźnikaje pytańnie. Vychodziać ludzi — nie tolki palitźniavolenyja, ale i prosta źniavolenyja. I zadajuć pytańnie: čamu ciabie nie pryniała nivodnaja kamiera? Moža, ty heta ludziam raskažaš? Čamu za ŭvieś čas, jaki ty siadzieŭ, ty ŭ ni adnaho pradolnaha (dziažurnaha pa kalidory z kamierami ŭ SIZA ci turmie — NN) nie pacikaviŭsia pra ludziej, jakija vyjšli za ciabie i z-za ciabie sieli. Pra turmu tam jość [da ciabie] pytańniečki, Siaroža», — zajaviła błohierka ŭ efiry «Jeŭraradyjo».
Ciapier čytajuć
Ź psichbalnicy źbieh były načalnik Hancavickaj milicyi14
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
To bok svaju frazu, što Cichanoŭskaha "nie prymała nivodnaja kamiera" jana prynižeńniem nie ličyć?
A jak ličyć sam Cichanoŭski i jaho paplečniki? Heta prynižeńnie ci nie?