Bielhijski viełahonščyk finišavaŭ ź pierałomami dvuch rebraŭ na «Vuelcie»
Łuka van Bovien zdoleŭ zakončyć honku.
Bielhijski viełahonščyk Łuka Van Bovien atrymaŭ pierałomy dvuch rebraŭ i pieranios kałaps lohkaha ŭ vyniku padzieńnia na siomym etapie «Vuelty Ispanii», paviedamlaje pres-słužba kamandy Lotto-Intermarché ŭ sacyjalnaj sietcy X.
Jak piša Cyclingnews, incydent adbyŭsia za 22,8 km da finišu. Van Bovien sutyknuŭsia ź italjanskim honščykam XDS Astana Alesandra Romielem, paśla čaho ŭpaŭ i ŭdaryŭsia ab ścianu doma.
Niahledziačy na traŭmy, bielhijec zdoleŭ zakončyć etap, paśla čaho byŭ dastaŭleny ŭ balnicu.
«Łuka Van Bovien atrymaŭ dva pierałomy rebraŭ i pieranios kałaps lohkaha ŭ vyniku surjoznaha padzieńnia na siomym etapie «Vuelty», jaki jon, prajaviŭšy mužnaść, zdoleŭ zaviaršyć. Łuka zastaniecca ŭ balnicy na noč dla dalejšaha nazirańnia i, na žal, nie vyjdzie zaŭtra na start. Za jaho stanam praciahnuć uvažliva sačyć. Nam sumna stračvać takoha kaštoŭnaha tavaryša z kamandy i takoha pazityŭnaha čałavieka. Zyčym Łuku sił i chutčejšaha vyzdaraŭleńnia», — havorycca ŭ zajavie Lotto—Intermarché.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ8
Kamientary