Fłaviu Bałsanaru abychodzić Łułu da Siłvu na vybarach prezidenta Brazilii
Učora ŭ Brazilii prajšoŭ pieršy tur prezidenckich vybaraŭ. Praz dva tydni adbudziecca jašče adzin tur.
Dziejny prezident Brazilii Łuis Inasiu Łuła da Siłva sastupaje sienataru Fłaviu Bałsanaru ŭ pieršym tury prezidenckich vybaraŭ, vynikaje z danych Vyšejšaha vybarčaha suda krainy (TSE).
Paśla apracoŭki vynikaŭ z 98,65% vybarčych učastkaŭ Bałsanaru nabiraje 47,27% hałasoŭ, Łuła — 44,88%.
Za Bałsanaru prahałasavali bolš za 55 młn čałaviek, za dziejnaha prezidenta — kala 53 młn. Roźnica składaje krychu bolš za 2 młn hałasoŭ.
Chutčej za ŭsio budzie druhi tur 25 kastryčnika. Dla pieramohi ŭ pieršym tury kandydat pavinien atrymać bolš za 50% sapraŭdnych hałasoŭ — biez uliku pustych i niesapraŭdnych biuleteniaŭ.
Pradstaŭnik levych siłaŭ Łułu da Siłvu byŭ prezidentam krainy ŭ 2001‑2011 hadach i zaraz u jaho z 2019 hoda treci termin.
Fłaviu Bałsanaru pradstaŭlaje pravyja partyi. Jon syn Žairu Bałsanaru, jaki byŭ prezidentam krainy ŭ 2019‑2023 hadach i ciapier asudžany na 27 hadoŭ za sprobu dziaržpieravarotu.
Raniejšyja sacapytańni davali nievialiki pieravies Łułu da Siłvie, za jakoha hałasujuć biadniejšyja słai hramadstva i pieravažna poŭnač i paŭnočny ŭschod krainy. Inšyja kandydaty nabrali mienš za piać pracentaŭ.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?2
Kamientary
Viesieło tam u nich... Naprašivajetsia vopros, možno li vybrať nie kłouna, no eto za ramkami našiej diskuśsii.