Miascovyja žychary adčuvajuć u hetym rajonie stalicy vostry niedachop zialonych zon. Haradskija ŭłady pra heta viedajuć, tamu ŭ najbližejšy čas zabudoŭščyk pačnie stvarać vialiki park i niekalki skvieraŭ.
Pra heta raspavioŭ kiraŭnik administracyi Kastryčnickaha rajona Minska Eduard Tamilčyk, pišuć Minsk-naviny.
«My zapłanavali ŭźviadzieńnie parkaŭ i skvieraŭ. Heta tyčycca 14-ha, 15-ha, 16-ha, 17‑ha kvartałaŭ, bližej da raki Łošyca. Vialiki zialony masiŭ, jaki na siońniašni dzień tam jość, budzie pieratvorany ŭ vialiki park. Da kanca kastryčnika ŭžo pačnucca pieršyja pracy. A pasadka dreŭ, kustoŭ budzie praviedziena ŭ nastupnym hodzie», — raskazaŭ čynoŭnik.
Eduard Tamilčyk raskazaŭ, što akramia taho, unutry 27‑ha i 28‑ha kvartałaŭ taksama buduć skviery.
«U 27‑m kvartale raboty pačnucca ŭ nastupnym hodzie. A što tyčycca 28‑ha kvartała, to da pracy tut pačnuć užo sioleta, u kastryčniku-listapadzie», — raskazaŭ kiraŭnik administracyi.
Kamientary
"U «Minsk-Śviecie» źjaviacca vialiki park i tysiačy novych parkovačnych miescaŭ"
https://d2accbiqacj5y8.cloudfront.net/405989
Jeśli on budiet razbavlen zielonymi zonami, eto narušit ciełostnosť i noviznu architiekturnoj konciepcii. A jeje nužno sochraniť dla potomkov kak orihinalnuju dostoprimiečatielnosť našieho vriemieni.