U Pieciarburhu ŭčora ŭzarvali vajskoŭca ź viertalotnaha pałka, jaki Ukraina abvinavačvała ŭ vajennych złačynstvach
Zahinułym učora pry vybuchu mašyny vajskoŭcam mierkavana byŭ Siarhiej Siačkoŭ.
Viadomyja z uciečak detali bijahrafii Siačkova supadajuć z dadzienymi, jakija publikavalisia napiaredadni rasijskimi ŚMI. Baćka Siačkova paćvierdziŭ «Ahienctvu», što jahony syn zahinuŭ pry vybuchu.
Pavodle źviestak ukrainskaha prajekta «Miratvorac», jon słužyŭ u 332‑m asobnym hvardziejskim viertalotnym Čyrvanaściažnym pałku. Słužačych hetaha pałka HUR Ukrainy nazyvała vajennymi złačyncami.
Siačkovu 43 hady, jon rodam z Razani. Žonku zahinułaha, jakaja sama paciarpieła pry vybuchu, zavuć Hanna. Jana pracuje ŭ punkcie vydačy zakazaŭ, kala jakoha adbyŭsia vybuch.
Siačkoŭ, pavodle ŭciečak, žyvie ŭ domie 24 korpus 1 pa Kołpinskaj šašy. Hety dom znachodzicca pryblizna za 100 mietraŭ ad miesca vybuchu.
«Padarvali», — napisaŭ baćka Siačkova na pytańnie «Ahienctva».
«Ahienctvu» nie ŭdałosia datelefanavacca pa telefonach samoha Siačkova, jaho žonki i inšych svajakoŭ ranicaj u piatnicu. Zahinuły dakładvaŭ načalstvu, što znachodzicca «ŭ śpisach na likvidacyju».
Jon słužyŭ u vojskach VPS SPA ŭ zvańni padpałkoŭnika. Staronka Siačkova jość na sajcie prajekta «Miratvorac», dzie havorycca, što jon słužyć u 332‑m asobnym hvardziejskim viertalotnym pałku (uvachodzić u skład 6‑j armii VPS i SPA) u zvańni majora.
U mai 2022 hoda HUR Ukrainy abvinavačvała vajskovuju častku, dzie, pa danych «Miratvorca», słužyŭ Siačkoŭ, u naniasieńni rakietnych i bombavych udaraŭ pa mirnym nasielnictvie Ukrainy na Słabažanskim napramku.
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary
[Zredahavana]