У Пецярбургу ўчора ўзарвалі вайскоўца з верталётнага палка, які Украіна абвінавачвала ў ваенных злачынствах
Загінулым учора пры выбуху машыны вайскоўцам меркавана быў Сяргей Сячкоў.
Вядомыя з уцечак дэталі біяграфіі Сячкова супадаюць з дадзенымі, якія публікаваліся напярэдадні расійскімі СМІ. Бацька Сячкова пацвердзіў «Агенцтву», што ягоны сын загінуў пры выбуху.
Паводле звестак украінскага праекта «Міратворац», ён служыў у 332‑м асобным гвардзейскім верталётным Чырванасцяжным палку. Служачых гэтага палка ГУР Украіны называла ваеннымі злачынцамі.
Сячкову 43 гады, ён родам з Разані. Жонку загінулага, якая сама пацярпела пры выбуху, завуць Ганна. Яна працуе ў пункце выдачы заказаў, каля якога адбыўся выбух.
Сячкоў, паводле ўцечак, жыве ў доме 24 корпус 1 па Колпінскай шашы. Гэты дом знаходзіцца прыблізна за 100 метраў ад месца выбуху.
«Падарвалі», — напісаў бацька Сячкова на пытанне «Агенцтва».
«Агенцтву» не ўдалося датэлефанавацца па тэлефонах самога Сячкова, яго жонкі і іншых сваякоў раніцай у пятніцу. Загінулы дакладваў начальству, што знаходзіцца «ў спісах на ліквідацыю».
Ён служыў у войсках ВПС СПА ў званні падпалкоўніка. Старонка Сячкова ёсць на сайце праекта «Міратворац», дзе гаворыцца, што ён служыць у 332‑м асобным гвардзейскім верталётным палку (уваходзіць у склад 6‑й арміі ВПС і СПА) у званні маёра.
У маі 2022 года ГУР Украіны абвінавачвала вайсковую частку, дзе, па даных «Міратворца», служыў Сячкоў, у нанясенні ракетных і бомбавых удараў па мірным насельніцтве Украіны на Слабажанскім напрамку.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары
[Зрэдагавана]