«Pačaŭ kryčać, kinuŭ mylicy na ziamlu». Pasadka ŭ taksi ŭ Minsku skončyłasia kanfliktam

— Usia situacyja adbyłasia ŭvohule spantanna. Mała taho, što kiroŭca doŭha jechaŭ na zakaz, dyk potym jašče ŭklučyŭ režym čakańnia, nie dajechaŭšy da punkta pryznačeńnia. U vyniku jon nie padjechaŭ navat da samoha padjezda — my z mamaj vyjšli na darohu i prajšli krychu napierad.

Kali ja adkryła dźviery, to ŭbačyła rečy na piarednim siadzieńni. Kažu: «Dobry dzień, možna vašy rečy pierakłaści? Bo mnie treba pasadzić mamu-invalida napierad». Na što jon skazaŭ: «Siadajcie nazad». Ja jamu adkazvaju: «Ja nie mahu pasadzić mamu nazad, jana invalid». Pačynaju jamu tłumačyć, što ŭ jaje prablemy z sustavami, akramia taho, jaje zahojdvaje.

Jon pačynaje mnie hrubijanić. Ja adkryvaju zadnija dźviery, razumieju, što miesca byccam by chapaje, i kažu mamie: «Davaj pasprabujem sieści». Mama siadaje i kaža: «A čaho heta kiroŭca nam kaža, dzie nam sieści?»

I tut jon pačynaje z usioj siły bić pa padłakotniku i abražać nas, my navat nie razumiejem, što adbyvajecca.

Jon rezka vyskokvaje z mašyny, dastaje maminy mylicy, nakiroŭvaje ich u bok mamy (ja dumała, što jon zaraz prosta ŭdaryć jaje), vykidvaje ich z usioj siły na asfalt, pačynaje kryčać: «Vy mnie budziecie kamandavać, kaho kudy sadžać, za kapiejki jeździcie».

Druhi raz padymaje mylicy i kidaje ich bližej da mianie. Pačaŭ ruchacca da nas, kab vykinuć mamu z mašyny. Ja zakryła jaje hrudźmi i ŭziała telefon.

Žančyna kaža, što pačała aŭtamatyčna zdymać videa. Na kadry trapili ŭžo tolki nastupnyja padziei.

«Niama čaho mianie abražać i prynižać», — kaža mužčyna na zapisie, sadzicca ŭ aŭtamabil i źjazdžaje.

Paśla taho, što adbyłosia, žančyna źviarnułasia ŭ milicyju. Taksama jana źviazałasia sa słužbaj padtrymki WB Taxi i paprasiła dać danyja kiroŭcy (pakolki jon zaviaršyŭ pajezdku, dadzienyja ŭ dadatku bolš nie pakazvalisia). Tam joj adkazali, što źviestki dajuć tolki pa aficyjnym zapycie ad siłavikoŭ.

— Da nas pryjechaŭ učastkovy, my napisali zajavu — pisała mama, a ja ŭžo išła jak śviedka. My paciarpieli abiedźvie. Kali ščyra, my dahetul u šoku. Učastkovy skazaŭ, što praz 10 dzion dakumienty pieradaduć u sud.

Žančyna raspaviała, što taksama patelefanavała ŭ Transpartnuju inśpiekcyju, patłumačyła situacyju, skazała, što chacieła b, kab dziejańni kiroŭcy pravieryli, a jaho pakarali. Pavodle jaje słoŭ, u Transpartnaj inśpiekcyi joj paraili napisać zajavu praz «zvarot.bieł», što jana i zrabiła.

Pavialičyć

Onliner źviarnuŭsia ŭ WB Taxi z prośbaj prakamientavać hety vypadak.

«Takija pavodziny kiroŭcy niedapuščalnyja dla našaha servisu. My raźbiaromsia ŭ situacyi i paviedamim pra zdareńnie partnioru-pieravozčyku, u jakoha pracuje kiroŭca. Dostup da servisu dla kiroŭcy budzie prypynieny na čas pravierki, pa vynikach jakoj my prymiem rašeńnie ab dalejšych mierach. My taksama daniasiom da kiroŭcaŭ patrabavańni adnosna pracy z pasažyrami, jakija majuć asablivyja patrabavańni da absłuhoŭvańnia. My ŭžo źviazalisia z pasažyrkaj i kampiensavali košt admienienaj pajezdki».

• 1
• 0
• 1
• 2
• 0
• 0
• 0
• 0