Kolkaść paćvierdžanych achviar katastrafičnaj pavodki ŭ Himałajach pieravysiła 900 čałaviek. Jašče kala 4,8 tysiačy čałaviek ličacca źnikłymi bieź viestak. Ratavalniki praciahvajuć pošuki ŭ ciažkadastupnych rajonach Niepała i Tybieta, dzie razburanyja darohi i masty, a drennaje nadvorje i daždžy pahražajuć novymi apoŭźniami.
Jak paviedamiła 31 žniŭnia viedamstva pa nadzvyčajnych situacyjach u Katmandu, u Niepale znojdzienyja cieły 903 zahinułych. U susiednim Kitai paćvierdžanaja hibiel jašče jak minimum 16 čałaviek.
U Niepale bieź viestak źnikli 4247 čałaviek, siarod jakich 592 zamiežniki, u tym liku biełaruska Kaciaryna Sakovič. U Kitai paviedamlajecca jašče pra 546 źnikłych.
U pošukavaj apieracyi ŭdzielničajuć tysiačy ratavalnikaŭ.
Ratavalnyja pracy mocna ŭskładniajuć drennaje nadvorje i ŭzdym uzroŭniu vady. U rehijonie čakajucca novyja daždžy, a heta pavialičvaje ryzyku novych pavodak i apoŭźniaŭ.
Nieapaznanych zahinułych chavajuć u brackich mahiłach
U Niepale ŭžo pačali chavać nieapaznanyja cieły ŭ brackich mahiłach. Pierad hetym u zahinułych biaruć uzory DNK i paznačajuć cieły, kab svajaki mahli paźniej ich apaznać i zabrać.
Dla pieravažna induisckaha Niepała hetaja pracedura asabliva niezvyčajnaja: pavodle tradycyi pamierłych tam kremujuć. Ciapierašnija pachavańni razhladajucca jak časovaja miera — da taho momantu, kali svajaki zmohuć znajści svaich blizkich. Tym nie mienš takoje rašeńnie ŭžo vyklikała krytyku ŭ sacyjalnych sietkach.
Mnohija cieły znachodziać na poŭdni krainy, za dziasiatki kiłamietraŭ ad miesca asnoŭnaha zatapleńnia. Ułady rajona Čytvan, jaki miažuje ź Indyjaj, paviedamlajuć, što častka ciełaŭ užo znachodzicca ŭ stanie mocnaha hnijeńnia, što ŭskładniaje ich chutkuju identyfikacyju. Ekśpierty taksama papiaredžvajuć pra niebiaśpieku ŭźniknieńnia epidemij.
Katastrofa pačałasia ranicaj 26 žniŭnia ŭ vysakahornym rajonie Rasuva na miažy Niepała z Tybietam.
Pavodle papiaredniaj viersii, pryčynaj moh stać vialiki apoŭzień. Raka Bchote-Košy, jakaja biare pačatak u Tybiecie, vyjšła ź bierahoŭ paśla taho, jak u jaje rečyšča abrynułasia vielizarnaja masa hrazi i kamianioŭ.
Što mienavita vyklikała abvał, pakul dakładna nieviadoma.
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie2
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary