Try novyja hateli, staražytny brovar i piešachodnaje koła. Što novaha źjavicca ŭ Hrodnie
U Hrodnie ŭ najbližejšyja paru hadoŭ źjavicca adrazu niekalki novych abjektaŭ: ad abnoŭlenaha staražytnaha piŭzavoda da vialikaj prahułačnaj nabiarežnaj uzdoŭž Niomana. Jak paviedamili ŭ Hrodzienskim harvykankamie, u abłasnym centry płanamierna raźvivajuć haradskoje asiarodździe i stvarajuć novyja hramadskija prastory, piša Domovita.by.
Da kanca hoda na karcie horada dadaducca try hateli, a ŭžo ŭ listapadzie adkryjecca madernizavany akvacentr «Łazurny». Paralelna pravy i levy bierahi Niomana płanujecca złučyć novym piešachodnym mostam, zamknuŭšy adziny prahułačny maršrut.
Hateli i druhoje žyćcio staražytnaha brovara
Volnyja numary ŭ Hrodnie ŭ ciopły siezon na vahu zołata, tamu hatelny fond pryrastaje novymi łakacyjami davoli žvava. Za apošnija try hady ŭ abłasnym centry źjaviłasia 7 hatelaŭ na vulicach Vilenskaj, Ažeški, Padolnaj i Kalinoŭskaha, a ahulnaja kolkaść hatelaŭ i chostełaŭ dasiahnuła 27. Da kanca hetaha hoda płanujecca adkryć jašče try abjekty na vulicach Fiestyvalnaj, Miendzialejeva i Suvorava.
Najbolš atmaśfierny prajekt realizujuć prosta na bierazie Niomana, dzie praciahvajuć restaŭravać były piŭzavod. Histaryčny kompleks doŭha čakaŭ svajho času, a adkryć jaho dla naviedvalnikaŭ raźličvajuć da leta 2027 hoda. Užo ŭ vieraśni inviestar maje namier raspačać budaŭnictva hatela, jaki abjadnaje staražytnuju terytoryju ŭ adziny architekturny ansambl da 900‑hodździa horada.
Pramienad kala Kałožy, most i piešachodnaje koła
Bierahavuju liniju Niomana taksama čakaje abnaŭleńnie. Na pravym bierazie, na ŭčastku ad Kałožskaj carkvy da vuścia Haradničanki, farmirujuć vialikuju zonu adpačynku ź piešachodnymi darožkami i viełamašrutami. Hałoŭnaja ideja — stvaryć nieparyŭny pramienad uzdoŭž vady, dzie možna spakojna špacyravać biez šumu transpartu i pryviazki da aŭtadaroh.
U pierśpiektyvie hety pramienad stanie častkaj vialikaha piešachodnaha kolca. Pavodle zadumy architektaraŭ, pravy i levy bierahi źviaža novy piešachodny most. Maršrut projdzie praz abnoŭleny skvier na vulicy Darvina i pryviadzie prosta da akvacentra «Łazurny». Sam vodny kompleks abnaŭlajuć sa śniežnia 2024 hoda, a adčynić dźviery dla naviedvalnikaŭ jon pavinien užo ŭ pačatku listapada.
Pałac sportu z 50‑mietrovym basiejnam
Paralelna ŭ horadzie prasoŭvajecca prajekt šmatfunkcyjanalnaha Pałaca hulniavych vidaŭ sportu. Maštaby ŭ abjekta ŭražlivyja: hałoŭnaja spartyŭnaja zała raźličanaja na 2000 hledačoŭ, a trenirovačnaja placoŭka źmieścić jašče 500 čałaviek.
Hałoŭnaj fiškaj kompleksu stanie vialikaja akvazona z paŭnavartasnym 50‑mietrovym basiejnam alimpijskaha standartu, dzie źjavicca mahčymaść pravodzić turniry vysokaha ranhu.
Pamierła Halina Filipaŭna z Hrodna, jakoj letam 2020 hoda na ŭsiu krainu aburaŭsia Łukašenka
U Hrodnie źbirajucca adnavić pałac kniazioŭ Masalskich, nie razburajučy histaryčnuju kamianicu, jakaja była pabudavanaja na tym miescy paźniej
U Hrodnie archieołahi znajšli frahmienty kaścioła kanca XVI — siaredziny XVII stahodździa
Nakolki bolš pomnikaŭ architektury achoŭvajecca ŭ Polščy i Litvie ŭ paraŭnańni ź Biełaruśsiu. Žachlivyja ličby
Na tarhi trapiła stohadovaja siadziba z kałonami i parkam. Jaje navat nie treba adnaŭlać
Kamientary