Niamieckaja palicyja rasśleduje sprobu napadu na abaronnuju kampaniju paśla taho, jak nieviadomyja złamyśniki kinuli zapalnyja pryłady na budaŭničuju placoŭku pierad štab-kvateraj Rohde & Schwarz u Miunchienie, piša «Jeŭrapiejskaja praŭda».
Kala poŭnačy ŭ Miunchienie na budaŭničuju placoŭku pierad štab-kvateraj technałahičnaj kampanii Rohde & Schwarz z aŭtamabila byli kinutyja zapalnyja pryłady.
Adna ź ich zaharełasia kala budaŭničych kantejnieraŭ pierad ofisam kampanii.
Na miesca zdareńnia nieadkładna prybyŭ palicejski patrul, jaki patušyŭ pažar. U vyniku pažaru nichto nie paciarpieŭ, połymia nie dajšło da pamiaškańniaŭ kampanii.
Na miescy zdareńnia ratavalniki znajšli jašče adnu zapalnuju pryładu, jakaja nie vybuchnuła. Jaje abiasškodzili śpiecyjalisty Bavarskaha dziaržaŭnaha ŭpraŭleńnia kryminalnaj palicyi.
Padčas pošukaŭ palicyja zatrymała dvuch padazravanych na bližejšaj zapraŭcy. Pavodle źviestak palicyi, heta 28‑hadovaja žančyna i 38‑hadovy mužčyna. Abodva — hramadzianie Bałharyi.
Ich suviaź ź incydentam pakul nie ŭstanoŭlenaja. Taksama niama infarmacyi pra mahčymyja matyvy.
Technałahičnaja hrupa Rohde & Schwarz aktyŭna pracuje ŭ takich halinach, jak technałohii biaśpieki i suviazi dla dziaržaŭnych ustanoŭ i vajskoŭcaŭ.
U sakaviku kampanija padpisała miemarandum ab uzajemarazumieńni z ukrainskim vytvorcam bieśpiłotnikaŭ Pegasus Arms. Razam jany pavinny byli supracoŭničać u raspracoŭcy pieradavych raźviedvalnych sistem.
Raniej paviedamlałasia, što na zavodzie polskaj kampanii WB Electronics, jakaja vyrablaje bieśpiłotniki dla polskaj i ŭkrainskaj armij, adbyŭsia pažar; pierad hetym na abjekcie nibyta źjaviŭsia nieviadomy čałaviek u bałakłavie.
Premjer-ministr Polščy Donald Tusk zajaviŭ, što pažar na zavodzie pa vytvorčaści kampanientaŭ dla bieśpiłotnikaŭ u horadzie Skaržyska-Kamienna byŭ dyviersijaj.
Dackija śpiecsłužby papiaredzili, što rasijskija śpiecsłužby ŭžo rychtujucca arhanizavać dyviersii na abjektach vajenna-pramysłovaha kompleksu krainy.
Pavodle źviestak haziety The Telegraph, Rasija pačała novuju chvalu napadaŭ na jeŭrapiejskija zavody pa vytvorčaści zbroi, viarbujučy členaŭ miascovych band i praviarajučy reakcyju NATA.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki42
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary