Łukašenka zahadaŭ «dobra strasianuć» školnikaŭ i «čaho b heta ni kaštavała, całkam strasianuć» škoły
Alaksandr Łukašenka siońnia pryniaŭ z dakładam ministra adukacyi Andreja Ivanca.
Łukašenka adznačyŭ, što apošnim časam kala tydnia znachodziŭsia ŭ zamiežnych kamandziroŭkach, a da hetaha ŭ centry jaho ŭvahi byŭ chod uboračnaj kampanii ŭ vioscy. «Ad hetaha nijak nielha było adyści. Tamu jak byccam pytańni škoły i VNU adyšli na druhi płan. Ale heta nie značyć, što ja nie ŭ kursie, jak u nas składvalisia spravy z pačatkam novaha navučalnaha hoda», — skazaŭ jon.
Alaksandr Łukašenka zastaŭsia niezadavoleny fizičnaj padrychtoŭkaj školnikaŭ. «Škoła pakul u fizičnym płanie niedapracoŭvaje. Heta mnie i vajskoŭcy kažuć, što kantynhient (tyja, chto prychodzić u armiju) choć i palepšyŭsia, ale nienamnoha. Treba nam niejak našu moładź, asabliva dziaciej školnych hadoŭ, dobra strasianuć i ŭ fizičnym płanie», — skazaŭ jon.
Jašče adnoj pryčynaj niezadavolenaści stali ramonty navučalnych ustanoŭ. Ministr adukacyi dałažyŭ, što ŭsie škoły atrymali pašparty hatoŭnaści da novaha navučalnaha hoda, a za try hady kapitalna adramantavali bolš za 300 budynkaŭ.
«Čaho b heta ni kaštavała, treba całkam škoły strasianuć i pryvieści ich u toj vid, u jakim my chacieli b ich bačyć», — skazaŭ Łukašenka.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni21
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
--
My - heta chto? Psichična chvoryja?