Maci znajšła ŭ syna i vykinuła čužy vejp. Za heta chłopčyka abstralali ź pnieŭmatyki
U Śvietłahorsku 17‑hadovy chłopiec zdavaŭ vejp u arendu, a paśla abstralaŭ 13‑hadovaha «klijenta».
Pavodle infarmacyi milicyi, 17‑hadovy žychar Śvietłahorska arhanizavaŭ svojeasablivy biźnies: zdavaŭ svaju elektronnuju cyharetu ŭ arendu za 15 rubloŭ na sutki.
Adnojčy vejp uziaŭ 13‑hadovy chłopčyk. Pryładu znajšła jaho maci — jana vykinuła elektronnuju cyharetu i vyłajała syna.
17‑hadovy haspadar zapatrabavaŭ viarnuć vejp. Daviedaŭšysia, što pryłady bolš niama, jon vystaviŭ małodšamu chłopčyku rachunak na 40 rubloŭ i pryhraziŭ «raźbić tvar», kali toj nie zapłacić.
Hrošaj chłopčyk nie addaŭ. Praź niekalki dzion padletki sustrelisia kala padjezda. Jak śćviardžaje milicyja, 17‑hadovy chłopiec trojčy streliŭ ź pnieŭmatyčnaha pistaleta ŭ ruki i nohi 13-hadovaha. Toj u ślazach prybieh dadomu i raskazaŭ pra zdareńnie maci, jakaja patelefanavała ŭ milicyju.
Suprać starejšaha padletka zaviali kryminalnuju spravu.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary