U Rasii viertalot z prapahandystami i členam CVK žorstka sieŭ prosta na aŭtadarohu VIDEA
Mi-8 z supracoŭnikami rasijskich dziaržaŭnych telekanałaŭ i pradstaŭnikom vybarčaj kamisii rezka pačaŭ hublać vyšyniu pry padlocie da aeradroma na Sachalinie. Piłot pasadziŭ mašynu na darohu, paśla čaho jana źjechała ŭ kiuviet.
Viertalot viartaŭsia z mysa Ciarpieńnia, dzie pradstaŭnik vybarčaj kamisii zabiaśpiečvaŭ daterminovaje hałasavańnie žycharoŭ ciažkadastupnych terytoryj na vybarach u Dziarždumu Rasii, paviedamlajuć rasijskija kanały.
Na borcie znachodzilisia vosiem čałaviek: troje členaŭ ekipaža, supracoŭnik Sachalinskaj abłasnoj vybarčaj kamisii i čaćviora karespandentaŭ ź dziaržaŭnych telekanałaŭ.
Pry padlocie da aeradroma «Sokał» viertalot pačaŭ imkliva hublać vyšyniu. Piłot zdoleŭ pasadzić jaho na trasu prykładna za kiłamietr ad aeradroma. Paśla pryziamleńnia mašyna źjechała ŭ kiuviet.
Pasažyry i členy ekipaža atrymali ŭdary i drapiny. Na darozie nichto nie paciarpieŭ.
Dla arhanizacyi hałasavańnia ŭ addalenych rajonach viertalot vydzieliła Ministerstva abarony Rasii.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
[Zredahavana]