Na 21‑m kiłamietry trasy Minsk — Homiel u najbližejšyja hady płanujuć rekanstrujavać puciepravod. Na čas rabot ruch na hetym učastku darohi całkam pierakryjuć, a transpart nakirujuć u abjezd, piša Realt.by.
Hety puciepravod byŭ pabudavany jašče ŭ 1977 hodzie. Za amal paŭstahodździa ŭ jaho kanstrukcyjach nazapasiŭsia šerah krytyčnych defiektaŭ, tamu dalejšaja ekspłuatacyja zbudavańnia pryznanaja niemetazhodnaj. Rekanstrukcyju praviaduć z poŭnym zakryćciom ruchu jak pa puciepravodzie, tak i pad im — na aŭtamabilnaj darozie M-4 Minsk — Mahiloŭ.
Budaŭnictva novaha puciepravoda, jak miarkujecca, pačniecca ŭ 2028 hodzie.
Zakazčykam rabot vystupaje «Minskaŭtadar-Centr», a hienieralnym prajekciroŭščykam i raspracoŭščykam spravazdačy ab acency ŭździejańnia na navakolnaje asiarodździe źjaŭlajecca «Biełhipradar». Hramadskaje abmierkavańnie spravazdačy pačałosia 9 vieraśnia i praciahniecca da 9 kastryčnika.
Kamientary