Pad Tambovam na biełaruskaha dalnabojščyka lacieŭ pjany ŭ dym kiroŭca. Biełarus pasprabavaŭ zrabić jak lepš, ale nie pašancavała
Kab paźbiehnuć łabavoha ŭdaru, Alaksiej Surko vyviernuŭ na sustrečnuju pałasu. U tuju ž dolu siekundy sustrečny aŭtamabil viarnuŭsia na svaju. Kiroŭca lehkavika zahinuŭ, u jaho kryvi znajšli 2,8 pramile, a vinavatym sud pryznaŭ biełarusa.
Śmiarotnaja avaryja adbyłasia pozna ŭviečary 8 lutaha 2025 hoda pad rasijskim Tambovam. Biełaruski dalnabojščyk Alaksiej Surko hnaŭ furu DAF z paŭpryčepam, zahružanym lesam: ahulnaja masa z hruzam — amal 40 ton.
Raptam jon ubačyŭ śviatło far sustrečnaha aŭtamabila, ale spačatku nie zrazumieŭ, pa jakoj pałasie toj jedzie: daroha ŭ tym miescy mieła vyhin. Kali zastałosia kala 200 mietraŭ, Surko zrazumieŭ, što sustrečnaja «Łada Pryjora» jedzie z chutkaściu kala 100 km/h pa jaho pałasie. Biełarus pačaŭ tarmazić — jaho chutkaść była kala 40 km/h — i mirhać dalokim śviatłom. Reakcyi nie było, sustrečny aŭtamabil praciahvaŭ jechać pa jaho pałasie.
Tady Surko rezka vyviernuŭ rul uleva, kab syści na sustrečnuju pałasu i razyścisia. Ale praz dolu siekundy lehkavik rezka viarnuŭsia na svaju pałasu — tudy, kudy ŭžo častkova pieramiaściłasia fura. Adbyłosia łabavoje sutyknieńnie. 39‑hadovy kiroŭca lehkavika Kuzin zahinuŭ na miescy.
Surko patelefanavaŭ u słužbu 112. Miedyki znajšli ŭ Kuzina zakrytuju čerapna-mazhavuju traŭmu, mnostva pierałomaŭ rebraŭ, pierałom hrudziny, razryvy lohkich i piečani, pierałom pazvanočnika.
Sudova-chimičnaje daśledavańnie kryvi zahinułaha pakazała 2,8 pramile — heta ciažkaja stupień apjanieńnia.
Adnak vinavatym zrabili ŭsio ž biełarusa — faktyčna ž avaryja adbyłasia na pałasie rasijanina. Choć «Łada» i znachodziłasia ŭ momant avaryi pad vuhłom, ale ŭžo paśpieła viarnucca ŭ svaju pałasu.
A voś Surko pierasiek sucelnuju liniju raźmietki i vyjechaŭ na sustrečku. Maŭlaŭ, kali b biełarus zastavaŭsia ŭ svajoj pałasie, to i raźjechalisia b.
U vyniku Tamboŭski rajonny sud pryznaŭ Surko vinavatym pa č. 3 art. 264 KK Rasii — parušeńnie praviłaŭ darožnaha ruchu, jakoje pa nieaściarožnaści paciahnuła śmierć čałavieka.
U śniežni 2025 hoda biełarusu prysudzili paŭtara hoda kałonii ŭmoŭna z vyprabavalnym terminam na paŭtara hoda, tak što za kraty jon usio ž nie trapiŭ. Hramadzianski isk udava zahinułaha nie zajaŭlała.
Kamientary
1) U dym — razhovornoje vyražienije o silnom oṕjanienii.
Primier: Napiŭsia ŭ dym.
2) Uščent — połnosťju, do konca.
Primier: Napiŭsia ŭščent.
3)Jak bela — narodnyj frazieołohizm (byť ṕjanym jak bela — kak bielak/stiena).
Primier: Byŭ ṕjany jak bela.