Dart Vejdar advioŭ syna ŭ škołu ŭ Novaj Baravoj. Chto hety tata mary? FOTAFAKT
U Minsku dzicia na liniejku pavioŭ vajar Ciomnaha boku.
Viasiołym videa ŭ Threads padzialiłasia błohierka i fatohrafka Nastaśsia Dzieviacień. U kadr na Novaj Baravoj trapiła niezvyčajnaja siamja: mama viadzie ŭ tačcy małoha, za imi śpiašajecca starejšy syn-školnik, a zamykaje pracesiju Dart Vejdar.
Pad čornaj maskaj chavajecca davoli znakamity ŭ Novaj Baravoj čałaviek — mastak Valer Niafiodaŭ. Pa-pieršaje, amal kožny na rajonie viedaje jaho terasu — bo vyhladaje jana jak mastackaja halereja.
Letaś mužčyna raspaviadaŭ «Anłajnieru», što jany z žonkaj — ludzi tvorčyja, tamu chacieli bačyć karciny nie tolki ŭnutry kvatery, ale i zvonku. Pry hetym, mastak kazaŭ, što sapraŭdnyja pałotny viešać na terasie było b złačynstvam — jany b chutka zhnili. Tamu pryjšłosia razdrukoŭvać pryhažość na śpiecyjalnym płastyku, jaki nie hublaje kolery na soncy.
Pa-druhoje, sam Valer maje aryhinalnaje chobi — jon lubić chadzić pa horadzie ŭ niezvyčajnych kaściumach. Raniej mužčyna raspaviadaŭ haziecie «Prystaličča», što pačałosia ŭsio jašče 8 hadoŭ tamu.
Tady Valer pieraapranuŭsia ŭ hopnika i pryjšoŭ na niejkaje śviata. Hety ekśpierymient jamu nastolki spadabaŭsia, što z časam chobi pierarasło ŭ sapraŭdny styl žyćcia. Valeryj adkryŭ dla siabie «efiekt maskaradu»: kali čałaviek nadziavaje masku ci kaścium, jon moža być bolš svabodnym, adkrytym i navat upeŭnienym.
Ciapier u kalekcyi Valera niekalki dziasiatkaŭ uboraŭ roznaj stupieni składanaści. Šyje ich žonka Vieranika.
Niafiodaŭ pryznavaŭsia, što jamu nie patrebna niejkaja nahoda dla vychadu, naprykład, u vobrazie vampira. Jon moža źjavicca ŭ kaściumie navat u banku ci na baćkoŭskim schodzie. Navat kalehi ŭžo pryvykli: kali Valer prychodzić biez kaściuma, pytajucca, ci ŭsio ŭ jaho dobra ŭ žyćci.
Tamu naŭrad ci ŭ hety raz Dart Vejdar šakavaŭ kahości ŭ škole ŭ Novaj Baravoj.
U kamientarach pažartavali, što vobraz sapraŭdy idealna pasuje dla baćkoŭskaha schodu. A jašče pacikavilisia, ci nie Lukam zavuć syna.
Praktyčna adzinahałosna Valera pryznali tatam hoda — bo z takim baćkam nijaki navučalny hod nie pužaje.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki5
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary