Łukašenka papraknuŭ Rasiju, Kitaj i Indyju ŭ biezynicyjatyŭnaści
Alaksandr Łukašenka pryjechaŭ na samit Šanchajskaj arhanizacyi supracoŭnictva ŭ Biškiek i vykaciŭ tam usim ceły šerah paprokaŭ i pretenzij. Najbujniejšych udzielnikaŭ ŠAS — Rasiju, Kitaj i Indyju — jon abvinavaciŭ u niedachopie inicyjatyvy, usiu arhanizacyju — u praźmiernaj marudnaści, a AAN — u niazdolnaści damovicca.
Najbolš niečakana Łukašenka papraknuŭ Rasiju, Kitaj i Indyju. Pačaŭ jon ź piernika — nazvaŭ ich tryma najmahutniejšymi dziaržavami ŠAS i zajaviŭ, što mienavita ad ich čakajuć lidarstva. Ale, pavodle jaho, pakul biezvynikova.
«Jakija my ni byli b tut raŭnapraŭnyja, my ž pryznajom, što ŭ nas jość try najmahutniejšyja dziaržavy — Kitajskaja Narodnaja Respublika, Indyja, Rasijskaja Fiederacyja. Čakajem ad ich najpierš inicyjatyvy.
Hetaj inicyjatyvy pakul, na žal, niama», — skazaŭ Łukašenka.
Nie zadavoliła jaho i praca samoj ŠAS. Łukašenka źviarnuŭ uvahu, što ŭdzielniki arhanizacyi šmat razvažajuć pra jaje asablivy «šanchajski duch» i hłabalnaje značeńnie, ale nie pierachodziać da realnych dziejańniaŭ.
«Ludzi ad nas čakajuć kankretnych dziejańniaŭ u napramku šmatpalarnaści. Čas sychodzić», — zajaviŭ jon. Kali arhanizacyja budzie i dalej marudzić, to, na dumku Łukašenki, moža pieratvarycca ŭ takuju ž małaefiektyŭnuju strukturu, jak ciapierašniaja AAN.
Pry hetym Łukašenka zajaviŭ, što ŭdzielniki ŠAS navat bajacca adkryta havaryć pra nieabchodnaść źmien (u adroźnieńni ad jaho).
Pavodle Łukašenki, arhanizacyja mahła b dapamahčy azdaravić AAN i viarnuć joj rolu placoŭki dla vyrašeńnia suśvietnych prablem, a nie «instrumienta ŭ rukach Zachadu dla cisku na suvierennyja i niezaležnyja dziaržavy».
Samu AAN Łukašenka papraknuŭ u tym, što palityčnyja roznahałośsi pieraškadžajuć joj realna ŭdzielničać u spynieńni ŭzbrojenych kanfliktaŭ. U jakaści prykładu jon zhadaŭ situacyju vakoł Irana.
Łukašenka prapanavaŭ ŠAS samastojna zajmacca rašeńniami, jakija «zabuksavali» ŭ AAN nibyta praz supraciŭ Zachadu.
U jakaści jašče adnaho recepta pierabudovy suśvietnaha paradku Łukašenka prapanavaŭ Jeŭrazijskuju chartyju raznastajnaści i šmatpalarnaści. Pieramovy nakont jaje płanujuć aficyjna zapuścić na siesii Hienieralnaj asamblei AAN, a praktyčnaje abmierkavańnie praciahnuć u listapadzie ŭ Minsku. Tudy Łukašenka i zaprasiŭ udzielnikaŭ samitu.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary
Im niama nahody niešta pieravaročvać.
Navat status vyhnańnika jak u rasii ci irana, heta ŭsio ž taki status u sistemie.