Samuju tannuju kvateru ŭ Minsku ŭ minułym miesiacy kupili za $35 tysiač
Mikrakvatera na 24 kvadraty ŭ «Minsk-Śviecie» kaštavała ŭ 2,5 razu daražej.
Samaj tannaj ździełkaj na rynku nieruchomaści Minska ŭ lipieni stała adnapakajovaja kvatera na vuł. Balasłava Bieruta, 17/1. Za abjekt płoščaj 33,2 kv. m u domie 1971 hoda pakupnik zapłaciŭ usiaho $34 590. Košt kvadratnaha mietra skłaŭ $1 042, paviedamlaje Realt.
Pry hetym najnižejšaja cana kvadratnaha mietra zafiksavanaja ŭ trochpakajovaj kvatery na vuł. Maskoŭskaja, 1. Abjekt płoščaj 63,4 kv. m byŭ pradadzieny za $49 031, abo ŭsiaho $773 za kvadratny mietr.
A najbolš kampaktnaj kvateraj stała adnapakajovaje žytło ŭ «Minsk-Śviecie» na vuł. Leanida Ščamialova, 28. Pry płoščy ŭsiaho 23,4 kv. m abjekt 2025 hoda pabudovy byŭ pradadzieny za $86 455. Nievialikaja płošča pry hetym istotna paŭpłyvała na košt mietra — jon skłaŭ $3 695.
Samaj ža darahoj ździełkaj miesiaca stała kvatera na vuł. Hrybajedava, 21 u žyłym domie «Abjekt 6» 2025 hoda pabudovy. Pry płoščy 168 kv. m abjekt byŭ pradadzieny za $1,2 miljona. Heta nie tolki najbolšaja suma ździełki miesiaca, ale i absalutny rekord pa košcie kvadratnaha mietra — $7 161. I havorka tut idzie pra nabyćcio rezidencyi svabodnaj płaniroŭki.
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia5
Kamientary