Kijeŭ rychtuje zapasy praduktaŭ i vady na vypadak nadzvyčajnych situacyj
U stalicy Ukrainy stvarajuć zapasy praduktaŭ i pitnoj vady na vypadak praciahłych adklučeńniaŭ elektraenierhii i inšych nadzvyčajnych situacyj, paviedamlaje RBK-Ukraina.
U pieršuju čarhu horad rychtujecca akazvać dapamohu małazabiaśpiečanym kijaŭlanam i ludziam, jakija apynulisia ŭ składanych žyćciovych abstavinach, paviedamiŭ namieśnik kiraŭnika Kijeŭskaj haradskoj administracyi pa pytańniach ažyćciaŭleńnia samakiravalnych paŭnamoctvaŭ Aleh Kujaŭski.
Taksama hetyja zapasy možna budzie vykarystoŭvać:
— u punktach niazłomnaści — padčas praciahłych adklučeńniaŭ elektraenierhii;
— dla dapamohi paciarpiełym u vyniku nadzvyčajnych situacyj;
— dla zabieśpiačeńnia rabotnikaŭ, zadziejničanych u avaryjna-vyratavalnych i inšych nieadkładnych rabotach.
28 žniŭnia ministr ahrarnaj palityki Taras Vysocki zajaviŭ, što Rasija źniščyła 90 pracentaŭ składoŭ handlovych sietak va Ukrainie.
«Kala 90% užo źniščana. Ale razam z tym heta nie aznačaje, što ŭkraincy zastanucca biez praduktaŭ charčavańnia. Pahrozy hoładu niama», — skazaŭ tady ministr.
Kamientary
Jašče z kanalizacyjaj treba padrychtavać miery. Na vypadak, kali rasiejcy źniščać kanalizacyju.
Ja nie žartuju. Pakul niama marazoŭ treba vykapać tualety va dvarach.
Makarony opiať žie pusť bierut.
Ciemient dla bunkierov.