Mścisłaŭcam paabiacali «absalutnuju biaśpieku» — u rajonie prajšli abmierkavańni mohilnika radyjeaktyŭnych adkidaŭ
U Mścisłavie praviali hramadskija abmierkavańni prajekta punkta pachavańnia radyjeaktyŭnych adchodaŭ. Mścisłaŭski rajon — adna z troch placovak, kudy ŭłady razhladajuć mahčymaść zvozić niebiaśpiečnyja adkidy — naroŭni z Astravieckim i Chojnickim rajonami.
Pierad miascovymi žycharami vystupili dyrektar Biełaruskaj arhanizacyi pa abychodžańni z radyjeaktyŭnymi adchodami (BiełRAA) Michaił Kisiel i pradstaŭnik «Biełnipienierhaprama» Andrej Rykaŭ, piša mstlife.
Staličnyja hości zapeŭnivali miascovych u «šmatbarjernaj abaronie», jakaja całkam vyklučaje traplańnie radyjacyi ŭ hlebu i hruntavyja vody, dy pierakonvali ŭ harantyjach biaśpieki dla budučych pakaleńniaŭ.
Miascovych žycharoŭ, jak vynikaje z publikacyi, supakojvali standartami i «mižnarodnym vopytam krain Jeŭropy».
Akramia pytańniaŭ ekałohii i kantrolu radyjacyi, ludziam paabiacali plusy ŭ vyhladzie novych pracoŭnych miescaŭ i raźvićcia infrastruktury.
«Na ŭsie pytańni pradstaŭniki BiełRAA i prajektnaj arhanizacyi dali vyčarpalnyja adkazy», — zapeŭnivaje vydańnie.
Kančatkovaje rašeńnie ab vybary placoŭki budzie prymać śpiecyjalnaja Dziaržkamisija.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary