Мсціслаўцам паабяцалі «абсалютную бяспеку» — у раёне прайшлі абмеркаванні могільніка радыеактыўных адкідаў
У Мсціславе правялі грамадскія абмеркаванні праекта пункта пахавання радыеактыўных адходаў. Мсціслаўскі раён — адна з трох пляцовак, куды ўлады разглядаюць магчымасць звозіць небяспечныя адкіды — нароўні з Астравецкім і Хойніцкім раёнамі.
Перад мясцовымі жыхарамі выступілі дырэктар Беларускай арганізацыі па абыходжанні з радыеактыўнымі адходамі (БелРАА) Міхаіл Кісель і прадстаўнік «Белніпіэнергапрама» Андрэй Рыкаў, піша mstlife.
Сталічныя госці запэўнівалі мясцовых у «шматбар’ернай абароне», якая цалкам выключае траплянне радыяцыі ў глебу і грунтавыя воды, ды пераконвалі ў гарантыях бяспекі для будучых пакаленняў.
Мясцовых жыхароў, як вынікае з публікацыі, супакойвалі стандартамі і «міжнародным вопытам краін Еўропы».
Акрамя пытанняў экалогіі і кантролю радыяцыі, людзям паабяцалі плюсы ў выглядзе новых працоўных месцаў і развіцця інфраструктуры.
«На ўсе пытанні прадстаўнікі БелРАА і праектнай арганізацыі далі вычарпальныя адказы», — запэўнівае выданне.
Канчатковае рашэнне аб выбары пляцоўкі будзе прымаць спецыяльная Дзяржкамісія.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары